الماتىدا جالعان اقشا جاساۋشىلاردىڭ قىلمىستىق ارەكەتىنە توسقاۋىل قويىلدى، - دەپ حابارلايدى Qamshy.kz الماتى قالالىق ءىىد باسپا ءسوز قىزمەتىنە سىلتەمە جاساپ.

الماتى قالاسىنىڭ ءىىد-نىڭ ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى الماتى قالاسى بويىنشا مەملەكەتتىك كىرىستەر دەپارتامەنتى ەكونوميكالىق تەرگەۋ قىزمەتىنىڭ كولەڭكەلى ەكونوميكاعا قارسى تۇرۋ باسقارماسىنىڭ قىزمەتكەرلەرىمەن بىرلەسىپ، «كەدەرگى» جوسپارى اياسىندا مەدەۋ اۋدانىنىڭ «دۋمان» شاعىن اۋدانىندا جەدەل-ىزدەستىرۋ شاراسىن جۇرگىزۋ بارىسىندا «Nissan Cefiro»  اۆتوكولىگىن ۇستادى. اۆتوكولىكتىڭ سالونىندا ءۇش ەر ازامات بولعان. ولاردىڭ ەكەۋى بۇعان دەيىن بوگدەنىڭ مۇلكىن ۇرلاۋ جانە بۇزاقىلىق ارەكەتتەرى بويىنشا قىلمىستىق جاۋاپكەرشىلىككە تارتىلعانى انىقتالدى.

«اۆتوكولىكتى تەكسەرۋ بارىسىندا قولدان جاسالعاندىق نىشانى بار 46 دانا 2 000 تەڭگەلىك بانكنوتتار تابىلىپ، تاركىلەندى. ولاردىڭ جالپى سوماسى - 92 000 تەڭگە. بۇدان كەيىن، كۇدىكتىنىڭ ءبىرىنىڭ تۇراتىن باسپاناسىن ءتىنتۋ بارىسىندا «IBM» ماركالى كومپيۋتەر، قولدان جاسالعاندىق نىشانى بار جالپى سانى - 359، ال جالپى سوماسى - 718 مىڭ تەڭگە بولاتىن 2 000 تەڭگەلىك بانكنوتتار، سونداي-اق، اتاۋلى قۇنى 2 000 تەڭگەلىك بانكنوتتار باسىلعان جانە قاعاز اقشالاردىڭ جىرتىلعان، كەسىلگەن بولىكتەرى سالىنعان ا4 فورماتىنداعى 90 دانا قاعاز تابىلدى»، - دەدى الماتى قالالىق ءىىد ۇيىمداسقان قىلمىسقا قارسى كۇرەس باسقارماسىنىڭ باستىعى، پوليسيا پولكوۆنيگى ەرلان ورالبەكوۆ.  

سونداي-اق، پوليسيا قىزمەتكەرلەرى جالعان اقشا جاساۋ دەرەگى بويىنشا سوتقا دەيىنگى تەرگەۋ باستالعاندىعىن حابارلادى. كۇدىكتىلەر ق ر قىلمىستىق ءىس جۇرگىزۋ كودەكسىنىڭ 128-بابىنا سايكەس، ۋاقىتشا تەرگەۋ اباقتىسىنا جەتكىزىلدى.