الداعى 15 جىلدا 1،5 ملن وتباسىن باسپانامەن قامتاماسىز ەتۋ قاجەت. بۇگىن «قازاقستان رەسپۋبليكاسىنىڭ يندۋستريالدى-يننوۆاسيالىق دامۋىنىڭ مەملەكەتتىك باعدارلاماسى: 2016 جىلدىڭ I جارتىجىلدىق قورىتىندىسى» اتتى كەڭەستە مەملەكەت باسشىسى نۇرسۇلتان نازاربايەۆ وسىلاي ءمالىم ەتتى، - دەپ حابارلايدى Qamshy.kz قازاقپاراتقا سىلتەمە جاساپ.

«ماڭىزدى مىندەت - الداعى 15 جىلدا 1،5 ملن وتباسىن قولجەتىمدى باسپانامەن قامتاماسىز ەتۋ بولۋى ءتيىس. كەشە مەن استانادا نەمىس تەحنولوگياسىمەن سالىنعان بىرەگەي ءۇي-قۇرىلىس كومبيناتىندا بولدىم. 6 ايدا ۇلكەن 9 قاباتتى ءۇي سالىنادى. ءبارىن سول كومبينات جاسايدى، قابىرعادا روزەتكا ويىعىنان باستاپ قاسبەتىنە دەيىن دايىندالعان، ەشتەڭەنىڭ قاجەتى جوق. ۇيگە قاجەتتى دەتالدىڭ بارلىعى سول كومبيناتتان شىعارىلادى»، - دەدى مەملەكەت باسشىسى.

وسى رەتتە ەلباسى ۇيلەردى ارزان ءارى جىلدام سالۋ ءۇشىن ءدال وسىنداي كومبيناتتاردى دامىتۋ قاجەتتىگىنە باسا نازار اۋداردى.

«دەگەنمەن، بۇل مىندەتتى دە اقىلعا سالىپ شەشۋ قاجەت. ءبىراق، تۇرعىن ءۇيدى قارجىلاندىرۋ  «تۇرعىنۇيجيناقبانكى» ارقىلى جۇرگىزىلۋى ءتيىس»، - دەپ اتاپ ءوتتى ق ر پرەزيدەنتى.