بۇگىننەن باستاپ ەلىمىزدەگى شەتەلدىك تەلەارنالار جارناما كورسەتۋدى توقتاتتى. قازاقستاندا قايتا ترانسلياسيالاناتىن ارنالاردىڭ ەفير ارقىلى ءتۇرلى تاۋار ناسيحاتتاۋىنا زاڭمەن تىيىم سالىنىپ وتىر، دەپ حابارلايدى Qamshy.kz  

بۇعان دەيىن شەتەلدىك تەلەارنالار سىرا سياقتى زياندى تاۋارلاردى ەركىن جارنامالاپ كەلگەن. ءسويتىپ، قىرۋار قارجى شەكارا اسىپ جاتقان ەدى. ەندى  جىلىنا جارنامادان تۇسەتىن 4 ميلليارد تەڭگە وتاندىق تەلەارنالاردىڭ قالتاسىندا قالاتىن بولدى. نەگىزى بۇل قۇجات قاڭتاردان باستاپ كۇشىنە ەنۋى كەرەك بولعان. كابەلدىك وپەراتورلاردىڭ ءوتىنىشى بويىنشا، دايىندىققا جارتى جىل قوسىمشا ۋاقىت بەرىلدى. شەتەلدىك ارنالار دا جاڭا تالاپقا كەلىسىپتى. ال، شەتەلدىك تەلەكومپانيالار ەلىمىزدە ەركىن جارناما تاراتۋ ءۇشىن زاڭدى تۇردە تىركەلۋى ءتيىس. ءسويتىپ وتىندىق ارنالار سىندى سالىق تولەۋگە مىندەتتى. ءقازىر قازاقستاندا كابەلدىك جۇيە ارقىلى 150 تەلەارنا تارايدى ەكەن. ونىڭ 70 پايىزى شەتەلدىك.