پوليسەي بوپ كيىنىپ، كولىك ۇرلاعان. الماتىدا جۇرگىزۋشىلەردى الداپ، قىمبات كولىكتەرىن الىپ قويىپ وتىرعان الاياقتار قولعا ءتۇستى. ال قىلمىستىق توپتىڭ جەتەكشىسى رەسەي ازاماتتى، Qamshy.kz كتك ارناسىنا سىلتەمە جاساپ.
ونىڭ قولاستىنداعى ءتورت ادامنان قۇرالعان توپ اقشاعا مۇقتاج قىمبات كولىگى بار ادامدارعا ءىرى كولەمدە قارىز بەرەتىن قالتالىلاردى تاۋىپ بەرىپ وتىرعان. ال قارىز الۋشى ادام كەپىلدىككە قىمبات كولىگىن قويۋعا ءتيىس بولىپتى. كەيىن قارىزىن قايتارۋ كەزىندە ساۋ ەتىپ پوليسيا فورماسىن كيگەندەر كەلە قالادى. كەلگەن بويدا كەپىلگە قويىلعان كولىكتىڭ ۇرلانعانىن ءارى ىزدەۋدە جۇرگەنىن ايتىپ، سول جەردە حاتتاما تولتىرىپ، الىپ كەتەدى ەكەن. جالعان پوليسەيلەر قالاداعى ساۋدا ورىندارىنىڭ بىرىندە وسىنداي كەزەكتى قىلمىسىنىڭ ۇستىندە قولعا ءتۇستى. الاياقتاردىڭ وسىعان دەيىن ەكى «تويوتا لەند كرۋزەر پرادو» مەن «مەرسەدەس بەنس» كولىگىن بولشەكتەپ وتكىزىپ جىبەرگەن.
سالتانات ازىربەك، الماتى قالاسى ءىىد رەسمي وكىلى:
-پوليسيا قىزمەتكەرلەرىنىڭ ءرولىن 3 جەرگىلىكتى تۇرعىن اتقارعان بولاتىن. ونىڭ ەكەۋى جەدەل ۋاكىلدەر بولسا، تاعى ءبىرى تەرگەۋشىمىن دەپ الداعان. اۆتوكولىكتەرىن تەكسەرۋ بارىسىندا جالعان قىزمەتتىك كۋالىك، جالعان حاتتامالار كىسەندەر تاركىلەندى.
