2016 جىلى بانكومات جەلىسىنىڭ سانى قىسقارا ءتۇستى. جىل ىشىندە بانكوماتتار سانى 5 پايىزعا تارتا ازايىپ، 2016 جىلدىڭ 1 ماۋسىمىندا 9،3 مىڭ قۇرىلعىنى قۇرادى، - دەپ حابارلايدى Qamshy.kz قازاقپاراتقا سىلتەمە جاساپ.

قازاقستاندا 2016 جىلعى قاڭتاردان مامىرعا دەيىن بانكوماتتار سانى قىسقاردى. جىل ىشىندە بانكوماتتار سانى وتكەن جىلدىڭ وسى كەزەڭىمەن سالىستىرعاندا 5 پايىزعا جۋىق ازايدى.

بۇرىنعى جىلداعىداي جەلىنىڭ جارتىسى 4 ايماققا شوعىرلانعان - الماتىعا (19،3%)،ەكىنشى ورىندا -  ەلوردا (10،7%)،ءۇشىنشى ورىندا  - قاراعاندى وبلىسى (8%) جانە ءتورتىنشى ورىندا - شقو (7،8%).

Ranking.kz تالداما قىزمەتىنىڭ اقپاراتى بويىنشا، 2016 جىلعى مامىردىڭ سوڭىندا 15 ملن.-عا جۋىق تولەم كارتوچكالارى بولدى. ولاردى ۇستاۋشىلار سانى - 13،9 ملن. ادامدى قۇرايدى. 2016 جىلدىڭ مامىر ايىندا وتكەن جىلدىڭ وسى كەزەڭىمەن سالىستىرعاندا 22،8 پايىزعا ءوسىپ، 827،9 ملرد. تەڭگەنى قۇرادى.

بانكوماتتاردا تولەم كارتوچكالارىمەن جۇرگىزىلگەن قولما-قول اقشاسىز تولەمدەر سانى 1185،8 مىڭ ترانزاكسيانى قۇرادى نەمەسە 15،857،7 ملن. تەڭگە. قولما-قول اقشا بەرۋ وپەراسيالارىنا قاتىستى ولاردىڭ سوماسى 2016 جىلعى مامىر ايىندا 600 852،7 ملن. تەڭگەنى قۇرادى.