استانادا ءبىر قىز 22-قاباتتان قۇلاپ كەتتى، - دەپ حابارلايدى Qamshy.kz Tengrinews.kz -كە  سىلتەمە جاساپ. قايعىلى وقيعا 2 شىلدەگە قاراعان ءتۇنى "بايقوڭىر" تۇرعىن ءۇي كەشەنىندە بولعان.

"مەنىڭ كولىگىم قىز قۇلاپ تۇسكەن ماڭدا تۇرعان. كولىگىمنىڭ دابىلى قوسىلدى. مەن تۇسكەنشە پوليسيا قىزمەتكەرلەرى، جەدەل توپتار، تەرگەۋ توپتارى، كريميناليستەر كەلىپ جەتتى. كولىك قورشاۋدا تۇرعاندا كۇتۋگە ءماجبۇر بولدىم. كولىگىم ءۇيدىڭ كىرەبەرىسىنىڭ الدىندا تۇرعان. سوعان قاراعاندا قىز بالكوننان قۇلاپ تۇسكەن. ياعني ساتى مەن ءليفتتىڭ اراسىندا"، - دەدى كۋاگەر.

ول مەرت بولعان قىزدىڭ بۇل ۇيدە تۇرمايتىنىن ايتتى. "پوليسيا قىزمەتكەرلەرى تۇرعىنداردان سۇراستىردى، قىزدىڭ مۇندا تۇراتىنىن ەشكىم راستامادى"، - دەدى ءۇيدىڭ تۇرعىنى.

كەشە قادىر ءتۇى بولىپ، اۋلادا كوپ ادام بولعان، كوبى كورىپتى. ايەلىم تارس ەتكەن داۋىس ەستىپتى، دابىل قوسىلىپ كەتتى"، - دەدى ول.

"وسى دەرەك بويىنشا تەكسەرىس ءجۇرىپ جاتىر. سوت-مەديسينالىق ساراپتاما تاعايىندالدى. الدىن الا نۇسقا - سۋيسيد. تەكسەرىس بارىسىندا قىزدىڭ ءاتى-جونى انىقتالدى - قوستاناي وبلىسىنىڭ 19 جاستاعى تۇرعىنى"، - دەپ حابارلادى پوليسەيلەر. 

"تۋىستارىنىڭ ايتۋىنشا، قىز سوڭعى كەزدە ولارمەن كوپ جانجالداسقان. ال ماۋسىم ايىنىڭ ورتاسىندا ەلورداعا كوشىپ كەلىپتى، جۇمىس تاپقىسى كەلىپتى. ول جوو ستۋدەنتى ەمەس"، - دەپ حابارلادى باسپا ءسوز قىزمەتىنىڭ وكىلدەرى.