شىمكەنتتىك دارىگەرلەر ءاتى-جونى بەلگىسىز جاس جىگىتتىڭ تۋىستارىن تاپتى. بەس ايدان بەرى وبلىستىق جۇيكە اۋرۋلار ديسپانسەرىنىڭ قىزمەتكەرلەرى اقىل-ەسىندە اۋىتقۋى بار ازاماتتىڭ ءاتى-جونىن انىقتاي الماعان، دەپ حابارلايدى Qamshy.kz Otyrar.kz –كە سىلتەمە جاساپ.

ارنايى اۋرۋحاناعا جابىلعان بالانى «وتىرار» تەلەارناسىندا كورسەتىلگەن بەينەماتەريال ارقىلى تۋىسقاندارى ءتانىپ-بىلىپتى. ءقازىر ول جاقىندارىنىڭ ورتاسىندا.

الدىندا شىمكەنتتە اقىل-ەسى كەم جىگىتتىڭ تۋىستارى ىزدەستىرىلىپ جاتقانىنحابارلانعان. جاسى شامامەن 20 بولاتىن جىگىتتى پوليسيا قىزمەتكەرلەرى 2016 جىلدىڭ 29 قاڭتار كۇنى قالاداعى كوشەلەردىڭ بىرىنەن كەزدەستىرگەن.

ولار دەنساۋلىعىندا كىناراتى بار بالانى شۇعىل تۇردە ەمدەۋ مەكەمەسىنە اكەلىپتى. سودان بەرى بەس اي بويىنا بۇل جىگىتتىڭ كىم ەكەنى بەلگىسىز بولىپ كەلگەن.

ەندى جەرگىلىكتى پوليسيا  جوعالعان جىگىتتى جارتى جىلدان بەرى ىزدەمەگەن تۋىستارىن تەرگەپ جاتىر.