بۇرىنعى دەنساۋلىق ساقتاۋ ءمينيسترى ساليدات قايىربەكوۆا اۋىر ناۋقاستان كوز جۇمدى، - دەپ حابارلايدى Qamshy.kz .
بۇل تۋرالى ەلدىڭ پرەمەر-مينيسترى كارىم ءماسىموۆ ءوزىنىڭ تۋيتتەردەگى پاراقشاسىندا حابارلادى.
«ساليدات زەكەن قىزى قايىربەكوۆانىڭ مەزگىلسىز قايتىس بولۋىنا بايلانىستى تۋىستارى مەن جاقىندارىنا كوڭىل ايتامىن»، - دەپ جازادى پرەمەر-مينيستر.
بۇعان دەيىن بۇرىنعى دەنساۋلىق ساقتاۋ ءمينيسترى س. قايىربەكوۆانىڭ ۇلتتىق نەيروحيرۋرگيا ورتالىعىندا ەمدەلىپ جاتقانى، دەنساۋلىق جاعدايىنىڭ اۋىر ەكەنى حابارلانعان بولاتىن. س. قايىربەكوۆانىڭ ناقتى دياگنوزى مەن قايتىس بولۋىنىڭ جاي-جاپسارى ازىرگە حابارلانبادى.
ساليدات قايىربەكوۆا 2010-2014 جىلدارى ق ر دەنساۋلىق ساقتاۋ ءمينيسترى، 2014 جىلدىڭ 6 قازانىنان 2015 جىلدىڭ 9 قازانىنا دەيىن جاڭادان قۇرىلعان دەنساۋلىق ساقتاۋ جانە الەۋمەتتىك دامۋ مينيسترلىگىندە ۆيسە-مينيستر بولدى. 2015 جىلى 13 قازاندا «ۇلتتىق مەديسينالىق حولدينگ» اق-عا باسقارما ءتوراعاسى بولىپ تاعايىندالدى.
