ەلىمىزدىڭ اۋقاتتى ازاماتتارى قارجىسىن رەسەيدىڭ كومپانيالارىنا قۇيىپ جاتىر، - دەپ حابارلايدى Qamshy.kz كتك ارناسىنا سىلتەمە جاساپ.
قازاقستان قور بيرجاسى كەلتىرگەن مالىمەتكە سەنسەك، قالتالى قانداستارىمىزدى كوبىنە - «روستەلەكوم»، «گازپروم»، «اەروفلوت» سىندى الىپتاردىڭ اكسيالارى قاتتى قىزىقتىرادى ەكەن.
ناتيجەسىندە، قازاقستان قور بيرجاسىنداعى ساۋدا كولەمى 49 تريلليون تەڭگەگە دەيىن جەتىپتى. بۇرىن-سوڭدى بولماعان مۇنداي اقشا اينالىمىن قارجىگەرلەر قۇندى قاعازدارعا دەگەن قىزىعۋشىلىقپەن ءتۇسىندىرىپ وتىر. بيرجاداعىلار بۇگىن ۇلتتىق ۆاليۋتامىزدىڭ قازىرگى ءحالىن دە ءسوز ەتتى. بىردە كوتەرىلىپ، بىردە تۇسكەن تەڭگە بۇل كۇندەرى ءبىراز تۇراقتادى دەيدى ماماندار. قازىرگى ساتۋ باعاسى -1 دوللار 338 تەڭگە. دەگەنمەن، سوڭعى كەزدە قىرعىز سومى كۇشەيىپتى. اقشا ايىرباستاۋ ورىندارىندا 1 سوم 5 تەڭگەگە دەيىن قىمباتتاپ، انە-مىنە رەسەي رۋبلىمەن تەڭەسۋگە شاق تۇر. ءبىراق مۇنى قارجىگەرلەر قالىپتى دەپ قابىلداپ، ءتىپتى، ءتول تەڭگەمىزدى ءبىر مىسقىلداپ تا الدى.
اندرەي ساليۋك، «قازاقستان قور بيرجاسى» اق باسقارما ءتوراعاسى ورىنباسارى:
-قالاي دەگەنمەن دە تەڭگە سوڭعى ەكى ايدىڭ ىشىندە ايتارلىقتاي تۇراقتاعان. مۇنى مۇناي باعاسىنىڭ كوتەرىلۋىمەن تۇسىندىرەمىز. ءبىراق، ءارى قاراي دا وسىلاي بولادى بولجاپ ايتۋ قيىن. ويتكەنى، تەڭگەنىڭ باعامى سىرتقى ەكونوميكالىق فاكتورلارعا تىكەلەي بايلانىستى.
