7 اي ءومىرى قالعانىن بىلگەن ميلليونەر بار اقشاسىن قايىرىمدىلىققا جۇمساۋدى ۇيعاردى، - دەپ حابارلايدى Qamshy.kz Bnews.kz -كە سىلتەمە جاساپ.

اۋقاتتى كاسىپكەر ءالي بانات ءوزىنىڭ قاتەرلى ىسىك اۋرۋىنىڭ ەڭ اۋىر ساتىسىندا ەكەنىن بىلگەننەن كەيىن جيعان دۇنيەسىن قايىرىمدىلىققا جۇمساۋعا شەشىم قابىلداعان.

مىنگەنى Ferrari Spider، سونىمەن قوسا، بىلدەي ءبىر اۆتوموبيل پاركىنىڭ قوجايىنى، ءوزىنىڭ جەكەجايى بار، نە ىشەم، نە جەيمىن، اقشانى قايدا جەتكىزەمىن دەمەي، ۋايىم-قايعىسىز قام كەشىپ جاتقان ميلليونەر باس-اياعى 7 اي ءومىرى قالعانىن ەستىگەندە ءومىرى كۇرت وزگەردى.

كاسىپكەر افريكادا 200-دەن اسا جەسىرگە ءۇي مەن 600-گە جۋىق جەتىم بالاعا ارناپ جاتاقحانا سالىپ بەرمەكشى.

بۇدان وزگە ءالي جەرگىلىكتى جەردىڭ حالقىنا قىزمەت ەتەتىن، جۇمىسپەن قاماتاماسىز ەتۋ ءۇشىن اۋرۋحانا مەن بيزنەس ورتالىعىن تۇرعىزاتىنىن ايتتى. «اللا مەنىڭ ءومىرىمنىڭ از قالعانىن سەزىنۋ ءۇشىن، جالعان دۇنيەنى تاستاپ جالعىز ماڭگىلىك ومىرگە اتتاناتىنىمدى سەزىنۋ ءۇشىن بۇل اۋرۋدى ماعان سىيعا تارتتى. ماعان جاقسىلىق جاساۋدان ارتىق ەش نارسە كومەكتەسپەيدى»، – دەيدى مۇسىلمان جىگىت.