جاپون عالىمدارى ۇشقاندا اشىلىپ، ال جەرگە قونعاندا قايتادان جيناپ قويۋعا بولاتىن بۇكتەمەلى جەر سەرىگىن جاساپ شىعاردى، - دەپ حابارلايدى Qamshy.kz.

بۇل جەر سەرىگىنىڭ قۇرىلىمى كۇردەلى بولعانمەن، جاسالۋى بۇكتەۋ، جيناۋ قاعيدالارىنان تۋعان قاراپايىم يدەياعا نەگىزدەلگەن. راديوتەلەسكوپتى جەر سەرىگىنىڭ پارابولالىق انتەنناسىنىڭ ديامەترى 10 مەتر بولادى. انتەننانىڭ مەتالل تورى بۇكتەلەدى، ال جەر سەرىگى وربيتاعا جەتكەندە بارىپ اشىلادى. ياعني، عارىشتىق تەحنولوگيانىڭ ءونىمى بولىپ تابىلاتىن بۇل جەر سەرىگى جەردە ەشقانداي ورىن المايدى. عارىشتىق زەرتتەۋلەر ورتالىعى جاساعان جەر سەرىگى ءبىر ۋىس بولىپ بۇكتەلگەنمەن، عارىشتا اشىلعاندا ءىرى ماقساتتاردا پايدالانىلادى.

راديوتەلەسكوپتى بۇكتەمەلى جەر سەرىگىن جاساۋدا ينجەنەر عالىمدار جاپون جيھازدارىنىڭ ورنالاسۋ ءتارتىبىن پايدالانعان. جاپون ۇيىندە ارتىق زات بولمايتىنى بارشاعا بەلگىلى. ۇلتتىق ستيلدەگى قوناقۇيلەردىڭ وزىندە  كورپە-جاستىقتى فۋسۋما دەپ اتالاتىن جىلجىمالى اعاش ەسىكتى قابىرعانىڭ ىشىنە جيناپ قويادى. بولمەارالىق ەسىكتەر دە جىلجىمالى بولىپ كەلەدى. قوناق كۇتكەندە، ارالىق قابىرعا ەسىكتى اشىپ، بولمەنى كەڭەيتەدى. ءداستۇرلى  جاپون ۇيىندە  كوزگە كورىنەر جيھازدىڭ بولمايتىنى وسىنداي جيناقىلىق، تياناقتىلىق، ۇقىپتىلىق  پرينسيپىنەن كورەمىز. 1997 جىلى جاسالعان پارابولا انتەننالى جەر سەرىگى جەردە ەشقانداي ورىن المايدى، تەك وربيتاعا جەتكەندە عانا قۇلاشىن كەڭگە جايىپ، ءتيىستى مىندەتىن اتقارادى.

شارافات جىلقىبايەۆا