بۇگىن الماتىدا «Solux Express» كومپانياسى قاپشاعاي-الماتى-قاپشاعاي باعىتىنداعى تەمىر جول جەلىسىن ىسكە قوستى، - دەپ حابارلايدى Qamshy.kz.

پويىزدىڭ ءجۇرۋ ۋاقىتى - 1،5 ساعات. تاڭعى پويىز 06:30-دا قاپشاعاي قالاسىنان الماتىعا جۇرەدى. الماتىعا كەلگەن سوڭ، تاڭعى ساعات 08:40-تا «الماتى-1» تەمىر ۆوكزالىنان قاپشاعايعا قاراي جول تارتادى. ال، كەشكى ۋاقىتتا پويىز ساعات 17:55-تە الماتىعا قاراي جۇرەدى. «الماتى-1» ۆوكزالىنا كەلگەن سوڭ، كەشكى ساعات 20:20-دا كەرى قاراي جولعا شىعىپ، قاپشاعايعا ورالادى.        

تەمىر جول قۇرامى تولىققاندى جابدىقتالعان 5 جايلى ۆاگوننان تۇرادى. 280 ورىنعا شاقتالعان جانە Wi-FI جەلىسىنە قولجەتىمدى.

ازىرگە پويىز تەك جازعى مەزگىلدە جۇرەتىن بولادى. الداعى ۋاقىتتا ونى جىل ون ەكى اي ءجۇرىپ تۇراتىن پويىزعا اينالدىرۋدى جوسپارلانعان.

ايتا كەتەيىك، پويىز بيلەتى - 600 تەڭگە تۇرادى. جەتى جاسقا دەيىنگى بالالارعا جول ءجۇرۋ - تەگىن.