بۇگىن ۇلتتىق بانك بازالىق مولشەرلەمەنى 13 پايىزعا دەيىن تومەندەتتى. بۇل ينفلياسيا دەڭگەيىن جىل سوڭىنا دەيىن 6-8 پايىز كولەمىندە ۇستاپ تۇرۋعا مۇمكىندىك بەرەدى ەكەن، - دەپ حابارلايدى Qamshy.kz كتك ارناسىنا سىلتەمە جاساپ.
ۇلتتىق بانك ءتوراعاسى دانيار اقىشيەۆتىڭ ايتۋىنشا قارجى نارىعىنداعى تۇراقتىلىق پەن ۆاليۋتا، دەپوزيت نارىعىنداعى وڭ ۇدەرىستەر بازالىق مولشەرلەمەنى ازايتۋعا سەپتىگىن تيگىزىپ وتىر. ءتىپتى الەمدىك بيرجاداعى قارا التىن قۇنىنىڭ قىمباتتاۋى دا ەلىمىزدەگى ەكونوميكالىق احۋالدىڭ از دا بولسا جاقسارۋىنا ىقپال ەتكەن. ياعني تەڭگە باعامى تۇراقتالىپ، حالىق قولداعى شەتەل ۆاليۋتالارىن جاپپاي ساتا باستاپتى. ماسەلەن سوڭعى ءتورت ايدا ازاماتتار اقشا ايىرباستاۋ بولىمشەلەرى ارقىلى 947 ميلليون دوللاردى ءتول تەڭگەگە الماستىرعان. وسىدان كەيىن بازالىق مولشەرلەمەنى تومەندەتۋگە شەشىم شىعارىلدى. بۇل كورسەتكىش الداعى تامىز ايىنىڭ 15-نە دەيىن جارامدى.
-بازالىق مولشەرلەمەنىڭ تومەندەۋىنەن قانداي دا ءبىر جىلدام وزگەرىستەر بولمايدى. سەبەبى ەكونوميكامىز جاڭا تالاپقا ەندى عانا بەيىمدەلىپ كەلەدى. سوندىقتان بانكتەر بىردەن نەسيەلەندىرۋدى ۇلعايتادى دەپ ايتۋ قيىن. ءبىراق جىل سوڭىنا دەيىن ەكىنشى دەڭگەيلى بانكتەردىڭ نەسيە بەرۋى جيىلەۋى مۇمكىن، - دەيدى ق ر ۇلتتىق بانكىنىڭ ءتوراعاسى دانيار اقىشيەۆ.
