ويىن الاڭىن اۋكسيونعا سالىپ جىبەرگەن! ءبىر توپ الماتىلىق ۇيلەرىنىڭ الدىنداعى تۋلاقتاي جەردى ساتىپ جىبەرگەن شەنەۋنىكتەردى جاعادان الدى، - دەپ حابارلايدى Qamshy.kz كتك ارناسىنا سىلتەمە جاساپ.
بالا-شاعا ويناپ جۇرگەن جەردىڭ جەكەگە وتكەنىن جۇرت مونشا سالىنا باستاعاندا ءبىر-اق بىلگەن. ەندى، تۇرعىندار نە ىستەرگە بىلمەي، قۇرىلىستى باستاۋعا كەلگەن كاسىپكەرمەن دە، ونىڭ ءسوزىن سويلەپ جۇرگەن اكىمدەرمەن دە كۇندە ايقايلاسادى.
ء-بىزدىڭ جەر! ءبىزدىڭ جەر! بىزگە ساۋنا كەرەك ەمەس...
ساقال-شاشى اعارعاندا بۇل اقساقال ساۋنا، دۇكەنمەن كۇرەسۋگە ءماجبۇر. ويتكەنى، ونىڭ نەمەرەلەرى وينايتىن الاڭ، انە-مىنە بىرەۋدىڭ مەنشىگىنە اينالماق. قۇرىلىسقا جۇرتتىڭ ءوزى رۇقساتىن بەرىپ قويعان ەكەن. ويتكەنى، شەنەۋنىكتەردىڭ «بالاباقشا سالامىز» دەگەنىنە بالاداي سەنىپ قالعان.
ءقىدىرالى داۋلەتبايەۆ، الماتى قالاسىنىڭ تۇرعىنى:
- كسك «جۇلدىزدان» قول جيناتقان بالاباقشا بولادى دەپ. قۇجاتىن قاراساق، الداپ تۇسىرگەنبىزدى.
الدانعان اقساقالدار بالاباقشادان باسقا الابوتەن قۇرىلىسقا ۇزىلدى-كەسىلدى قارسى. ءبىراق، ولاردى تىڭدايتىن ەشكىم بولماي تۇر. ويتكەنى، كوپقاباتتى ءۇيدىڭ اۋلاسى الدەقاشان ينتەرنەت-اۋكسيوننان ساتىلىپ كەتكەن. ايقاي-شۋدى ەستىپ كەلگەن اۋدان اكىمىنىڭ ورىنباسارى دا جۇرتقا تۇششىمدى جاۋاپ ايتا المادى.
ارحات وماروۆ، اۋەزوۆ اۋدانى اكىمىنىڭ ورىنباسارى:
-بۇل جەر ەندى ۇكىمەتتىڭ قاۋلىسىمەن ساتىلعان عوي! وعان ءبىز ارالاسپايمىز. بىزدە قارسىمىز نەگىزى.
«اۋكسيونعا قاتىسىمىز جوق» دەپ العاشقىدا انت-سۋ ىشكەن اكىمدىكتەگىلەر ءبىرازدان سوڭ مۇلدەم وزگەرىپ شىعا كەلدى. قايتا تۇرعىنداردىڭ وزدەرىن الاڭدى ساتىپ العان كاسىپكەردى قولداۋعا ۇگىتتەدى.
ارحات وماروۆ، اۋەزوۆ اۋدانى اكىمىنىڭ ورىنباسارى:
-تۇرعىندار ەندى ءتۇسىنۋ كەرەك قوي! 80 كۆادرات جەر عانا ساتىلعان.مەملەكەتتىك اكتىسى بار. ول دا ادال ازامات! ونى دا ءتۇسىنۋ كەرەك. ول جەكە كاسىپكەر! كومەكتەسىڭدەر دەپ جاتىر عوي.
بالالار الاڭىنان بيزنەس اشپاق بولعاندار ءتىپتى ساتىلعان جەردىڭ كولەمىن دە ايتىپ بەردى. سويتسە، ينتەرنەت ساۋداعا اۋلاداعى ۆولەيبول، باسكەتبول الاڭدارىنا دەيىن ءوتىپ كەتىپتى. شەنەۋنىكتەر بۇل ىسىنەن ەش ابەستىك كورىپ تۇرعان جوق. كەرىسىنشە، تۇرعىندارعا ءتيىمدى دەيدى. تابالدىعىنان اتتام جەردە تازالانىپ، ءارى دۇكەن ارالايدى. تەك ەندى ولارعا ەشكىمنىڭ سەنگىسى جوق.
ءاسيا اناربايەۆا، الماتى قالاسىنىڭ تۇرعىنى:
- 1-قاباتتى دۇكەن دەپ ماگازين سالاسىزدار دا ارتىنشا ول جوسپاردى وزگەرتىپ جىبەرەسىزدەر. بۇل جەرگە 9-قاباتتى ءۇي سالۋعا بولادى! بارسىن، قالانىڭ شەت جاعىنا سالسىن!جەر كوپ!
ءبىر قىزىعى، قالانىڭ قاق ورتاسىنداعى بالالار الاڭى كوك تيىنعا ساۋدالاعان. باسكەتبول، ءارى فۋتبول الاڭى سىيعان جەردى اتقامىنەرلەر بار-جوعى 1 جارىم ميلليون تەڭگەگە باعالاپتى. ال الماتىدا ءقازىر مۇنداي اۋدانداعى 15 سوتىق جەردىڭ باعاسى 50 ميلليوننان كەم ەمەس.
