الماتى وبلىسى شارۋالارىنىڭ اۋىل شارۋاشىلىق مينيسترلىگىنە وكپەلى. مەملەكەتتىك باعدارلاما ارقىلى ميلليونداپ نەسيە الىپعان بىرنەشە شارۋا قوجالىعى بەرەشەكتەرىن وتەي الماي قالعان، - دەپ حابارلايدى Qamshy.kz 31 ارناعا سىلتەمە جاساپ.

بۇگىندە تەك جىلقىسىنىڭ ءوزى مىڭنان اسقان بولات سەيىربايەۆ ءقازىر شىعىنعا شاش ەتەكتەن باتقانىن ايتادى. سوزىنشە بىلتىر مال باسىن ءوسىرۋ ءۇشىن مەملەكەتتىك «قۇلان» باعدارلاماسى بويىنشا  56 ميلليون تەڭگە نەسيەنى جىلىنا 14 پايىزبەن بانك ارقىلى راسىمدەگەن. جانە مەملەكەتتىك باعدارلاماعا سايكەس اتالعان قارجىنىڭ 7 پايىزىن اۋىلشاراۋىشىلىق مينيسترلىگى وتەپ بەرۋى ءتيىس بولعان. ءبىراق ءبىر جىلدان استام ۋاقىت وتسە دە مينيسترلىك تولەۋى ءتيىس قارجىنى قارجىلاندۋرىعا اسىقپايتىن كورىنەدى.

- ونى ۋاقىتىندا تولەمەسە، وعان بانكى پەنيا سالىپ جاتىر. باستالدى شترافى. اۋىل شاۋرۋاشىلىق باسقارماسىنىڭ باستىعى بەكىشيەۆكە نەشە رەت ايتتىم. ارىز دا جازىپ بەردىك. بۇلار ايتادى، مينيستەرستۆو دەيدى. مينيسترلىكتە دەپارتامەنت باستىعى ازامات حامييەۆپەن سويلەستىك، بۇنى يۋستيسيا شەشەدى. زاڭ ءالى دۇرىس بولماي جاتىر دەيدى. بۇل ەندى اۋىل شارۋاشىلىق مينيسترلىگىنىڭ كەمشىلىگى ەمەگەندە كىمنىڭ كەمشىلىگى؟، - دەيدى شارۋا قوجالىعىنىڭ ءتوراعاسى بولات سەيىربەكوۆ.

سۋبسيديا الىپ، شىعىنعا شاش ەتەكتەن باتىپ جاتقانداردىڭ سانى ەداۋىر كوپ، - دەيدى وبلىستىق اۋىلشارۋشىلىق باسقارماسىنداعىلار. سەبەبى، 2014 جىلدان بەرى الماتى وبلىسى بويىنشا 173 شارۋاشىلىق يەسى سۋبسيديا العاندىعىن ەسكەرسەك،  باسىم بولىگى بولات سەيىربايەۆ سياقتى قيىندىقتارعا تاپ بولعان. ال اۋىل شارۋاشىلىعى مينيسترلىگىنە نە سەبەپتى شارۋالاردىڭ پايىزدىق ۇستەماقىسى دەر كەزىندە تولەنبەي جاتىر دەگەن سۇراعىمىزعا جازباشا تۇردە جاۋاپ الدىق.

2016 جىلدان باستاپ كرەديتتەر، سونداي-اق تەحنولوگيالىق جابدىقتىڭ جانە اۋىل شارۋاشىلىعى تەحنيكاسىنىڭ ليزينگى بويىنشا سىياقى مولشەرلەمەلەرىن سۋبسيديالاۋ باعدارلاماسىن ىسكە اسىرۋ فۋنكسياسى جەرگىلىكتى اتقارۋشى ورگانداردىڭ قۇزىرەتىنە ءوتتى.

دەمەك، اتالعان وزگەرىسكە سايكەس شارۋالاردىڭ ءالى قانشا ۋاقىت  پايىزدىق ۇستەماقىسىن كۇتەتىنى بەلگىسىز. بەلگىلىسى، بانك الدىنداعى بەرەشەگى كۇن ساناپ وسە بەرمەك.  ونسىز دا مەملەكەتتىك باعدارلامادان اۋپىرىمدەپ ءجۇرىپ سۋبسيديا الاتىن شارۋالار ءۇشىن اتالعان جاعداي  جىعىلعانعا جۇدىرىق بولىپ تۇر. 

- ەندى جاڭادان اسقار مىرزاحمەتوۆ مىرزا كەلدى. ەندى وسى كىسى باس اياعىن جيناماسا، شارۋالاردىڭ اۋىل شارۋاشىلىق مينيسترلىگىنە وكپەسى بار قارا قازانداي، - دەپ كەيىدى شارۋا.