ەربولات دوسايەۆ «قازاقستاننىڭ تۇرعىن ءۇي قۇرىلىس جيناق بانكى» اق ديرەكتورلار كەڭەسىنىڭ ءتوراعاسى بولىپ سايلاندى، دەپ حابارلايدى Qamshy.kz بانكتىڭ باسپا ءسوز قىزمەتىنە سىلتەمە جاساپ.
ديرەكتورلار كەڭەسى تۇرعىن ءۇي قۇرىلىس جيناق بانكى سالىمشىلارىنىڭ ءۇي جاعدايىن جاقسارتۋ مۇمكىندىگىن ۇلعايتاتىن، ءارى ەل ايماقتارىنداعى تۇرعىن ءۇي قۇرىلىسىن جانداندىرۋعا باعىتتالعان «ءوز ءۇيىم» باعدارلاماسىنىڭ نەگىزگى شارتتارىن قاراستىردى.
سونىمەن قاتار، وتىرىستا «قازاقستاننىڭ تۇرعىن ءۇي قۇرىلىس جيناق بانكى» اق قىزمەتىنە قاتىستى ءبىرقاتار ماسەلەلەر تالقىلاندى. اتاپ ايتقاندا، 2015 جىلدىڭ قورتىندى ەسەبى، بانكپەن ەرەكشە قارىم-قاتىناستاعى تۇلعالارمەن اراداعى كەلىسىمدەر مەن باسقارۋ ەسەپتەرى الدىن-الا بەكىتىلدى.
ديرەكتورلار كەڭەسى وتىرىسىنىڭ قورتىندىسى بويىنشا بانك باسقارماسىنا «ءوز ءۇيىم» باعدارلاماسىن جۇزەگە اسىرۋ بارىسىندا تۋىنداۋى مۇمكىن تاۋەكەلدەردىڭ الدىن الىپ، بانك سالىمشىلارى بولىپ تابىلاتىن باعدارلاما قاتىسۋشىلارىن قانداي دا ءبىر قاۋىپ-قاتەرلەردەن ساقتاۋ بويىنشا مىندەتتەر جۇكتەلدى.
