عارىشكەرلەر كۇنىنە وراي اياقتالۋى ءتيىس "فەنيكس" اتتى فانتاستيكالىق تريللەردى ۋاقىتىلى بىتىرە الماعانىنا ءمينيستردى كىنالاعان رەجيسسەر تالعات جانىبەكوۆ ۆيدەو مالىمدەمە جاسادى، - دەپ حابارلايدى Qamshy.kz NewTimes.kz اگەنتتىگىنە سىلتەمە جاساپ.
ۆيدەودا كينورەجيسسەر تالعات جانىبەكوۆ مينيستر ارىستانبەك مۇحامەديۇلىن پارا سۇرادى دەپ ايىپتايدى.
"بيلىك جۇمىس ىستەمەيدى. ءبىز ۇرلىق بولىپ جاتقانىن دالەلدەيتىن قۇجاتتاردى كورسەتۋدەمىز. ۇرلىققا قاتىسى بارلار اراسىندا اكتەر، پروديۋسەر، "قازاقفيلم" پروديۋسەرلىك ورتالىعىنىڭ ۆيسە-پرەزيدەنتى سەرىك جۇباندىقوۆ جانە مينيستر ارىستانبەك مۇحامەدي ۇلى بار. مۇحامەدي ۇلىنىڭ ادامدارى ماعان مۇلدەم كەلىسىمىمدى بەرە المايتىن سۇراقتارمەن كەلدى. جوق دەگەننەن كەيىن جوبامىزدى توقتاتىپ تاستادى"، - دەيدى جانىبەكوۆ.
ايتا كەتەيىك، "فەنيكس" توڭىرەگىندە داۋ-داماي 2015 جىلى باستالعان. ارىستانبەك مۇحامەدي ۇلى كەي جەرلەرى جونگە كەلتىرىلمەگەندىكتەن، جوبانى قارجىلاندىرۋ ۋاقىتشا توقتايتىنىن ايتقان بولاتىن.
