ق ر ىشكى ىستەر ءمينسترى قالمۇحانبەت قاسىموۆ پوليسەيلەرگە شابۋىل جاساعان ادامنىڭ ءموتيۆىن اتادى، - دەپ حابارلايدى Qamshy.kz Tengrinews.kz -كە سىلتەمە جاساپ.

ايتۋىنشا، الماتىدا اتىس شىعارعان ادام قۇقىق قورعاۋ ورگاندارىنىڭ قىزمەتكەرلەرىنەن كەك العىسى كەلگەن. ول توناۋ جانە قارۋدى زاڭسىز ساقتاۋ بويىنشا سوتتالىپ، اباقتىدا بولعان جىلدارى ءۇشىن پوليسەيلەرگە ءوش بولعان. 

ءمينيستردىڭ ايتۋىنشا، 1990 جىلعى رۋسلان كۇلىكبايەۆ توناۋ جانە قارۋدى زاڭسىز ساقتاۋ بويىنشا ەكى مارتە سوتتى بولعان. ول بەس جىل جانە 11 ايعا باس بوستاندىعىنان ايىرىلعان. ول وسى ءۇشىن پوليسەيلەردەن كەك الماق بولعان. ايەلدى ولتىرگەنى ءۇشىن سوتتالاتىنىن بىلگەن ول تاعى ءبىر قىلمىسقا وقتالعان.

ايتا كەتەيىك، ۇقك باسشىسى ۆلاديمير جۇماقانوۆ قاۋىپسىزدىك كەڭەسىنىڭ جيىنىندا الماتىداعى المالى اۋداندىق ءىىب مەن ۇقكد عيماراتىنا شابۋىلداعان ادام جايلى مالىمەتتى مەملەكەت باسشىسىنا بايانداپ بەرگەن بولاتىن. ال ودان كەيىن اقورداداعى قاۋىپسىزدىك كەڭەسىنىڭ جيىنىندا ىشكى ىستەر ءمينيسترى قالمۇحانبەت قاسىموۆ پرەزيدەنتكە الماتىداعى وقيعانىڭ حرونولوگياسىن ايتىپ بەردى.