الماتىلىق پوليسەيلەر قازا تاپقان ارىپتەستەرىنە وسىنداي وتەماقى اۋداراتىن بولدى، دەپ حابارلايدى Qamshy.kz قالالىق ءىىد باسپا ءسوز قىزمەتىنە سىلتەمە جاساپ. 

"قازاقستان رەسپۋبليكاسىنىڭ "قۇقىق قورعاۋ قىزمەتى تۋرالى" زاڭىنىڭ 66-بابىنا سايكەس، قىزمەتكەرلەر قازا تاپقان (قايتىس بولعان) نەمەسە مەرتiككەن جاعدايدا بەرiلەتiن كەپiلدiكتەر" بار. ماسەلەن، قىزمەتكەرلەر قىزمەتتiك مiندەتتەرiن اتقارىپ جۇرگەن كەزەڭiندە مەرتiككەن جاعدايدا وعان بiرجولعى وتەماقى تولەنەدi، ال قازا تاپقان (قايتىس بولعان) جاعدايدا ول ونى الۋعا قۇقىعى بار ادامدارعا بەرىلەدى. سونىمەن قاتار، 67-بابىنا سايكەس، قايتىس بولعان نەمەسە قازا تاپقان قىزمەتكەرلەردى جەرلەۋ ءۇشiن ولاردىڭ ءۇش ايلىق اقشالاي قاراجاتى مولشەرiندە، ال زەينەتكەرلەرگە ءۇش ايلىق زەينەتاقى تولەمى مولشەرىندە بiرجولعى اقشالاي وتەماقى تولەنەدi. بۇل جاعدايدا بiرجولعى اقشالاي وتەماقى ءۇش ايلىق اقشالاي قامتۋ تۇرىندە تولەنەدى، زەينەتكەرلەرگە - ءۇش ايلىق زەينەتاقى تولەمى كولەمىندە"، - دەپ حابارلادى الماتى قالالىق ءىىد رەسمي وكىلى سالتانات ازىربەك.

استانالىق پوليسەيلەر دە قازا تاپقان ارىپتەستەرىنىڭ وتباسىنا ءبىر كۇندىك جالاقىسىن اۋدارادى.

"استانا قالالىق ءىىد باسشىلىعى مەن جەكە قۇرامى الماتىدا بولعان قايعىلى وقيعالاردىڭ سالدارىنان قازا تاپقان ارىپتەستەرىمىزدىڭ تۋىستارى مەن جاقىندارىنا كوڭىل ايتامىز. ىىد-دە قازا بولعان پوليسەيلەردىڭ وتباسىلارىنا قارجىلاي كومەك كورسەتۋ تۋرالى شەشىم قابىلداندى. وسىعان بايلانىستى ەلوردالىق ىشكى ىستەر دەپارتامەنتىنىڭ باسشىلىق قۇرامى ءوزىنىڭ بىركۇندىك جالاقىسىن قازا بولعان پوليسەيلەردىڭ وتباسىنا اۋدارادى"، - دەلىنگەن حابارلامادا.

ەسكە سالا كەتەيىك، الماتىدا تەراكت كەزىندە ءۇش پوليسيانىڭ قىزمەتكەرى قازا تاپتى. ولار: نۇرماحانبەتوۆ باۋىرجان مالىك ۇلى - ءىىد ءاپب جول-پاترۋلدىك پوليسياسىنىڭ وزىندىك قاۋىپسىزدىك قىزمەتىنىڭ اعا ينسپەكتورى، 1988 جىلعى. ىشكى ىستەر ورگاندارىندا 2011 جىلدان بەرى قىزمەت ەتكەن. ۇيلەنگەن، قىزى بار.  سالىمبايەۆ ماقسات قولعانات ۇلى - پوليسيانىڭ كىشى سەرجانتى، ءىىد جپق جپپ پولكىنىڭ پوليسەيى، 1991 جىلعى، ىشكى ىستەر ورگاندارىندا 2013 جىلدان بەرى قىزمەت ەتىپ كەلگەن. ۇيلەنگەن، قىزى بار. عالييەۆ ايان ەربولعان ۇلى - پوليسيا ستارشيناسى، الماتى قالالىق مكقب مم پوليسياسىنىڭ 2ء-شى باتالونىنىڭ پوليسەيى، 1974 جىلعى، ىشكى ىستەر ورگانىندا 1997 جىلدان بەرى قىزمەت ەتكەن. ۇيلەنگەن، ەكى قىزى بار.