جەلىدە الماتىداعى اتىس ورىندارىندا تۇسىرىلگەن جاڭا ۆيدەولار پايدا بولىپ جاتىر، - دەپ حابارلايدى Qamshy.kz Tengrinews.kz -كە سىلتەمە جاساپ.
كۋاگەرلەر الەۋمەتتىك جەلىلەردە وزدەرى تۇسىرگەن ۆيدەولاردى YouTube پەن WhatsApp-دە جاريالاپ، ءوز اسەرلەرىن ءبولىسىپ جاتىر.
ايتا كەتەيىك، كەشە، 18 شىلدەدە الماتىداعى المالى اۋداندىق ءىىب جانە ۇقكد عيماراتتارىنا شابۋىل جاسالدى. وسى ورايدا پوليسەيلەر تۇرعىندارعا ۇيلەرىنەن شىقپاۋدى وتىنگەن. قالاداعى بارلىق قارۋ-جاراق ساتاتىن دۇكەندەر جابىلعان. ءۇش پوليسيا قىزمەتكەرى جانە ءبىر بەيبىت تۇرعىن قازا تاپقان. شابۋىل جاساعانداردىڭ ەكەۋى ۇستالدى"، - دەلىنگەن الماتى ءىىد تاراتقان اقپاراتتا. جانساقتاۋ بولىمىندە 8 پوليسەي جاتىر. الماتىدا تەرروريستىك ءقاۋىپتىڭ "قىزىل دەڭگەيى" جاريالانعان. الايدا كەيىن بۇل رەجيم الىپ تاستالدى. تەرروريزمگە قارسى كۇرەس جونىندەگى جەدەل شتابتىڭ وكىلدەرى قالاداعى شابۋىلداردى ءبىر عانا ادامنىڭ جاساعانىن مالىمدەدى.
