الماتى قالاسىنىڭ اكىمى باۋىرجان بايبەك تەراكت ارەكەت جاساعان ادامنىڭ تەرگەۋ يزولياتورىنا قامالعانىن ايتتى- دەپ حابارلايدى Qamshy.kz.

ء-قازىر جاعداي تۇراقتى. كەشە الەۋمەتتىك جەلىلەردە تەكسەرىلمەگەن، جالعان كوپتەگەن حابار كەلىپ ءتۇستى. اتقارۋشى قۇقىق قورعاۋ ورگاندارى ناقتى الگوريتممەن بۇل مالىمەتتەردى تەكسەرىپ، شىندىققا جاناسپايتىنىن مالىمدەدى. قىلمىسكەر ءبىر ورىندا بولعان جوق. سوندىقتان ونى ۇستاۋعا ۋاقىت كەتتى. كەشە ول ۇستالدى، ەسىن جيدى. ودان جاۋاپ الىندى. بۇگىن تەرگەۋ يزولياتورىندا، - دەدى قالا باسشىسى.

كەشەگى وقيعادان 5 ادام قازا تاپتى، بارلىعى پوليسەي دەگەن قالا باسشىسى پوليسەيلەردىڭ ەرلىك كورسەتكەنىن اتاپ ءوتتى.

-ەشقايسىسى ساسىپ قالمادى. قارسىلىق كورسەتتى. تۋىستارى مەن جاقىندارىنا كوڭىل ايتقىم كەلەدى. بۇگىن وتباسىلارىنا بارىپ، كوڭىل ايتۋدى جوسپارلاپ وتىرمىز. ءقازىر ءۇش پوليسەي وتە اۋىر جاعدايدا جاتىر. ولاردىڭ ءومىرى ءۇشىن دارىگەرلەر كۇرەسىپ جاتىر. زارداپ شەككەن تاعى ەكى ادامنىڭ جاعدايى جاقسى. بۇگىن مەملەكەت باسشىسىنىڭ تاپسىرىسىمەن قازا بولعانداردىڭ وتباسىنا جانە زارداپ شەككەندەرگە ماتەريالدىق كومەك كورسەتۋ تۋرالى سايكەس قاۋلى شىعارىلدى. ياعني بۇگىن جاعداي باقىلاۋدا. سوندىقتان ءبىز قۇقىق قورعاۋ ورگاندارىنا قولداۋ كورسەتىپ، كومەك كورسەتۋىمىز كەرەك"، - دەدى باۋىرجان بايبەك.