18 شىلدە كۇنى الماتى قالاسىندا وتكەن تەررورلىق ارەكەت تۋرالى الەمنىڭ بۇقارالىق اقپارات قۇرالدارى كەڭىنەن جازىپ جاتتى. جاپونيا باق-ى دا ورتالىق ازيانىڭ ەڭ دامۋشى ەلىندە وتكەن وقيعا تۋرالى مالىمەتتەر تاراتتى، - دەپ حابارلايدى Qamshy.kz.

ماسەلەن، «NHK» 18 شىلدە، جەرگىلىكتى ۋاقىت بويىنشا 22 ساعات 09 مينۋتتا «قازاقستاننىڭ ەڭ ۇلكەن قالاسىندا قارۋلى قاقتىعىس ءوتىپ، ءتورت كىسى مەرت بولدى» دەگەن تاقىرىپپەن جاڭالىق تاراتتى. «ورتا ازياداعى قازاقستاننىڭ ەڭ ءىرى قالاسىندا 18 كۇنى بۇزاقىلار پوليسيا بولىمشەسىنە شابۋىل جاساپ، قارۋلى قاقتىعىس بولىپ، ءتورت پوليسەي جارالاندى» دەلىنگەن سول ۋاقىتتا تاراعان «NHK» اقپاراتىندا. «قازاقستان مۇناي مەن ۋران ءوندىرىسى ارقىلى جوعارى ەكونوميكالىق دامۋعا قول جەتكىزگەن، ورتالىق ازياداعى ءقاۋىپسىز ەل رەتىندە بەلگىلى. ءبىراق وتكەن ايدا سولتۇستىك باتىستاعى اقتوبە قالاسىندا بۇزاقىلار اسكەري مەكەمەگە شابۋىل جاساپ، جەتى ادام قازا تاۋىپ، بۇل وقيعانىڭ يسلام مەملەكەتى ەكسترەميستىك ۇيىمىمەن بايلانىسى بار دەپ كورسەتىلگەنى ءتارىزدى قاۋىپسىزدىككە قاتەر توندىرگەن وقيعالار ورىن الۋدا» دەيدى «NHK» جاڭالىقتارى.

«AFPBB News» قازاقستاننىڭ ەڭ ۇلكەن قالاسى الماتىدا 18 كۇنى بولعان قارۋلى قاقتىعىس تۋرالى جازا كەلە، اتالمىش وقيعانى پرەزيدەنت ن.نازاربايەۆتىڭ «تەررورلىق اكت» دەپ اتاعانىن جازادى. «AFPBB News» سونداي-اق، ماۋسىم ايىنىڭ بەسىنشى جۇلدىزىندا «رەسەيمەن شەكاراعا جاقىن اقتوبە قالاسىندا قارۋ دۇكەنى مەن اسكەري  نىسانعا شابۋىل جاساۋ ارەكەتى جايىندا اقپارات بەرەدى.

ال «CNN.co.jp» الماتىداعى وقيعا جايىندا حابار تاراتا وتىرىپ، قازاقستاننىڭ ورتا ازياداعى ەڭ ءقاۋىپسىز ەل ەكەنىن، «ەكسترەميستىك ۇيىمنىڭ شابۋىلى رەسپۋبليكادا بۇرىن-سوڭدى  بولماعان ەدى» دەيدى.

شارافات جىلقىبايەۆا،