اتىس كەزىندە قازا بولعان ق ر ۇقك قاراستى شەكارا قىزمەتىنىڭ 2177 اسكەري ءبولىمىنىڭ اعا تەحنيگى ازامات ءازىمجانوۆ ءوز جۇمىسىن ماقتانىش ەتكەن، - دەپ حابارلايدى Qamshy.kz BNews.kz - كە سىلتەمە جاساپ.

«ازامات جۇمىسىن جاقسى كوردى. بالا كەزىنەن اسكەري قىزمەتكەر بولۋدى ارماندادى، سول ماقساتقا ۇمتىلدى. 2013 جىلى اعا لەيتەنانت اتاعىن العانىن قۋانىشپەن حابارلاپ، فوتوسۋرەتتەرىن جىبەرگەن بولاتىن. ونىڭ قازاسى قابىرعامىزعا قاتتى باتتى. تۇتقيىلدان كەلگەن اجال جالماپ كەتتى. ازامات وتە ادال، اقكوڭىل، جانى تازا بولاتىن. ەلىمىز تاعى ءبىر ارىستاي ازاماتىنان ايىرىلدى»، – دەدى وپات بولعان جىگىتتىڭ دوستارى.

ازامات ءازىمجانوۆ 1993 جىلى الماتى وبلىسىنىڭ پانفيلوۆ اۋدانىنداعى پيدجين اۋىلىندا تۋعان. 2010 جىلى مەرزىمدىك قىزمەتكە شاقىرىلىپ، 2013 جىلى ۆورونەجدەگى رەسەي قورعانىس مينيسترلىگىنە قاراستى جۋكوۆسكيي جانە گاگارين اتىنداعى اسكەري-اۋە اكادەمياسىن ءتامامداپ، اعا لەيتەنانت اتاعىن العان. سوڭعى قىزمەت ەتكەن ورنى - قازاقستان رەسپۋبليكاسىنىڭ ۇلتتىق قاۋىپسىزدىك كوميتەتىنىڭ شەكارا قىزمەتى.

18 شىلدە كۇنى ۇقكد قىزمەتكەرلەرىنەن بوي تاسالاعان لاڭكەس رۋسلان كۋليكبايەۆ ونىڭ كولىگىن يەمدەنۋشى ءۇشىن اتىپ تاستاعان.

ازامات وتباسى قۇرىپ ۇلگەرگەن جوق. ارتىندا اتا-اناسى مەن قارىنداسى قارا جامىلىپ قالدى.