الماتى پوليسياسى قاندى-قىرعىن جاساعان كۇلىكبايەۆتىڭ سوڭعى ۋاقىتتا جالداپ تۇرعان پاتەرىن تەكسەردى، - دەپ حابارلايدى Qamshy.kz ءىىد باسپا ءسوز قىزمەتىنە سىلتەمە جاساپ.

كۇدىكتىنىڭ جالدامالى پاتەرىن تەكسەرۋ بارىسىندا بارلىق قاۋىپسىزدىك شارالار ساقتالعان جانە تىيىم سالىنعان ءقاۋىپتى زات تابىلماعان.

-كۇدىكتى كۇلىكبايەۆ تۇرعان كوپپاتەرلى ءۇيدىڭ تۇرعىندارى ەۆاكۋاسيالاندى. تەرريتوريا قورشاۋعا الىنىپ، قاۋىپسىزدىك ساقتالدى. تەكسەرىس بارىسىندا قولعا تۇسكەن كۇدىكتىنىڭ جالدامالى پاتەرىنەن ءقاۋىپ توندىرەتىن تىيىم سالىنعان زاتتار تابىلمادى، - دەيدى ءىىد رەسمي وكىلى سالتانات ازىربەك.

كۇلىكبايەۆقا قاتىستى ق ر قك 99 بابى، 2 ءبولىمى، 269 بابى، 2 ءبولىمى، 380 بابى، 2 ءبولىمى، 255 بابى، 4 ءبولىمى، 291 بابى، 1 ءبولىمى، 200 بابى، 4 ءبولىمى بويىنشا سوتقا دەيىنگى تەرگەۋ امالدارى جالعاسۋدا. بەرىلگەن فاكتىلەر الماتى قالاسى الماتى اۋداندىق ءىىب جانە الماتى قالاسى بويىنشا ۇقكد سوتقا دەيىنگى تەرگەۋدىڭ ءبىرىڭعاي رەەسترىنە تىركەلدى.  

جۇرگىزۋشىگە قاراقشىلىق شابۋىل جاساۋ جانە ايەل ادامدى ءولتىرۋ فاكتىسى ق ر قك 99 بابى، 1 ءبولىمى جانە 192 بابى، 2 ءبولىمى بويىنشا تەرگەلۋدە. كورسەتىلگەن قىلمىستاردى تەرگەۋ ماقساتىندا مەكەمەارالىق تەرگەۋ توبى قۇرىلدى.