تۇركيا جۋرناليستەرى 15-16 شىلدەدە بولعان اسكەري توڭكەرىستى ەل باسشىسىنىڭ ءوزى ۇيىمداستىرعان دەپ كۇدىكتەنۋدە. بۇل تۋرالى تۇرىك اقپارات كوزدەرى حابارلايدى. تۇرىك جۋرناليستەرى ەل باسشىسى مەن باسشتابتىڭ مالىمدەمەلەرىندە كوپتەگەن قايشىلىقتار بارىن انىقتاعان سوڭ وسىنداي پىكىرگە كەلگەن. ماسەلەن، اسكەري توڭكەرىس تۋرالى اقپاراتتىڭ ءتۇسۋى تۋرالى مالىلمەتتەر بىر-بىرىنە ساي كەلمەيدى. «Cumhurriyet» باسىلىمىنىڭ جازۋىنشا، تۇركيانىڭ اسكەري اۋە كۇشتەرىنىڭ باس قولباسشىسى ابيدين ۋنال توڭكەرىس كەزىندە قول استىنداعى قىزمەتكەرىنىڭ قىزىنىڭ ۇيلەنۋ تويىندا، ستامبۇل شاھارىندا بولعان. ونى باسقا دا جوعارى ساناتتى شەنەۋنىكتەرمەن بىرگە بۇلىكشىلەر تۇتقىنداپ اكەتكەن. گازەت ءجۋرناليسى باس قولباسشى توڭكەرىس تۋرالى اقپاراتتى العان سوڭ بىرنەشە ساعاتتان كەيىن ستامبۇلعا تويعا كەتكەنىن ايعاقتاپ وتىر.

سونداي-اق، توڭكەرىس كەزىندە مارماريستە دەمالىپ جاتقان ەردوعاننىڭ قوناقۇيگە شابۋىل جاسالعانعا بىرنەشە مينۋت قالعاندا امان-ەسەن  سىتىلىپ شىعۋى دا كۇدىكتى. سوندا توڭكەرىسشىلەر ءقوناقۇيدى جارۋ ءۇشىن بارا تۇرا پرەزيدەنتتى نەلىكتەن «امان جىبەرگەن»؟ «Al-Monitor» اۆتورى دجەنگيز چاندار «توڭكەرىسشىلەر ەردوعاننىڭ انكارادا دا، ستامبۇلدا دا ەمەس، جەرورتا تەڭىزىندە دەمالىپ جاتقانىن بىلە تۇرا، ونى تۇتقىنداماعان. پرەزيدەنتتىڭ مارماريستەن جاقىن جەردەگى  اۋەجايعا جەتۋىنە مۇمكىندىك بەرگەن، ءسويتىپ ول ءبىر ساعات ىشىندە ستامبۇلعا كەلگەن» دەيدى جۋرناليست.

سونداي-اق، توڭكەرىسشىلەر رەيتينگى تومەن TRT كانالىن باسىپ العان، رەيتينگى جوعارى باق-دى الۋعا تالپىنباعان. ول كەزدە بەدەلدى باق-ى بيلىكتىڭ حالىققا ۇندەۋىن نايسحاتتاپ جاتقان. جەڭىلىس تاپقان توڭكەرىس ارەكەتىن كىم ۇيىمداستىردى جانە بارلىعى نەلىكتەن اقىماقتىڭ تىرلىگى بولىپ شىققانىنا قاتىستى جاۋاپتان گورى سۇراق كوپ» دەپ جازادى، تۇرىك ساراپشىسى. دجەنگيز چانداردىڭ پىكىرىنشە، توڭكەرىستى ۇيىمداستىرۋشىلاردىڭ تەز ارادا ۇستالۋىنىڭ ءوزى كۇمان تۋدىرادى. «مەنىڭشە، ەردوعان  ءوز ادامدارىمەن بىرگە باتىس كۇشتەرىنىڭ قولداۋىمەن دە بولار، جاساندى توڭكەرىستى ۇيىمداستىرعان» دەيدى ول.

سونداي-اق، توڭكەرىستەن سوڭ ىلە-شالا مىڭداعان جوعارى لاۋازىمدى قىزمەتكەردىڭ جۇمىستان قۋىلىپ، تۇتقىندالۋىنىڭ ءوزى كۇماندى ويعا جەتەلەيتىنى انىق. ال حالىقارالىق ساراپشىلار ەردوعان وزىنە ۇنامايتىن، فەتحۋللاح يدەياسىن جاقتاۋشى كوپتەگەن شەنەۋنىكتەردەن وسىنداي توڭكەرىس ارقىلى ارىلماق بولۋى  مۇمكىن ەكەنىن ايتۋدا.

دانا قامشىبەك