ەلباسىنان "باتا" العان افريكالىق جىگىت قازاق قىزىنا قالاي عاشىق بولىپ، ۇيلەنگەنىن اڭگىمەلەپ بەردى، - دەپ جازادى Qamshy.kz. 

ءبىلىم جانە عىلىم مينيسترلىگىنىڭ يۋتۋب كانالىنا سۇحبات بەرگەن دانيەل دجەيمس قازاقستان حالقى اسسامبلەياسى كەڭەسىنىڭ «تاۋەلسىزدىك. كەلىسىم. بولاشاعى ءبىرتۇتاس ۇلت» اتتى XXIV سەسسياسىندا ەلباسى نۇرسۇلتان نازاربايەۆتىڭ الدىندا قازاق تىلىندە ءان شىرقاپ بەرگەن ەدى.

ەستەرىڭىزدە بولسا، ەلباسى سول كەڭەستە دانيەلگە "نيگەريادان كەلىپ، قازاقستاندا قالىپ قويعان ازامات بىزدە ءالى بولعان ەمەس. سوندىقتان سەن تامىرىڭدى وسىندا جاي" دەپ "باتاسىن" بەرگەن-دى. 

سول "قارا" بالا دانيەل دجەيمس قازاق قىزىنا قالاي عاشىق بولعانىن، ۇيلەنەردە قايىن اتاسى قارسى بولعانىن ايتا كەلە "قازاق ءتىلىن ۇيرەنۋىنە ماحاببات اسەر ەتتى"، دەسە، "قايىن اتاسىنىڭ رۇقسات بەرۋىنە قازاق ءتىلىن ءبىلۋىم اسەر ەتتى" دەيدى.

 دانيەل دجەيمس 1991 جىلى نيگەرياداعى لاگوس قالاسىندا دۇنيەگە كەلگەن.

بۇگىندە الماتىداعى افريكالىق جاستار قوعامىنىڭ پرەزيدەنتى بولىپ وتىرعان دانيەل دجەيمستىڭ اناسى ورىس ۇلتىنان. 

"مەن ءوزىم ارالاس وتباسىندا تاربيەلەنگەندىكتەن، مۇندايعا ءمان بەرمەيمىن. مەن اپپاق قازاق قىزىنا عاشىق بولدىم. جانە اق كوڭىلىممەن ونىمەن بىرگە بولعىم كەلدى" دەگەن دانيەل كەلىنشەگى ايدانامەن الماتىنىڭ ارباتىندا تانىسىپتى.

قازاقستاندا تۇرىپ جاتقانىنا بەس جىل بولعان دانيەل كاسىبي مۋزىكانت. ت.جۇرگەنوۆ اتىنداعى ونەر اكادەمياسىنىڭ تۇلەگى. فورتەپيانو مەن دومبىرانىڭ قۇلاعىندا وينايتىن "قارا" جىگىت بۇگىندە قازاق قىزى ەكەۋى ادەل ەسىمدى ءبىر ۇلدى تاريبەلەپ وتىر.

"مەنىڭ اعىلشىن تىلىندە تانىسپاق بولعانىما، ول قازاقشا جاۋاپ بەردى. مەنىڭ ماحابباتىم قازاق ءتىلىن ۇيرەنۋىمە سەبەپ بولدى" دەگەن دانيەل قازاق قىزى ايداناعا قالاي عاشىق بولعانىن اۋىزىنىڭ سۋى قۇرىپ اڭگىمەلەپ بەردى. 

وزگە ۇلتتاردىڭ سول ەلدىڭ قىزىنا قالاي قۇمار ەكەنىن قۇشتارلىقپەن ايتاتىن "ءداستۇر" ءبىزدىڭ ەلدە عانا بار سياقتى ما، قالاي؟