بۇگىن پاۆلودارعا نيسساداعى تەراكت كەزىندە مەرت بولعان ليۋبوۆ، مارينا جانە سيلۆيا پانچەنكولاردىڭ مايىتتەرى جەتكىزىلدى، - دەپ حابارلايدى Qamshy.kz قازاقپاراتقا سىلتەمە جاساپ.

ۇشاقتا قازا تاپقان ايەلى، قىزى جانە نەمەرەسىمەن لەونيد پانچەنكو، سونىمەن قاتار  مارينانىڭ كۇيەۋى تۇركيا ازاماتى بولدى.  اۋەجايدا ولاردى وتباسىنىڭ تۋىستارى مەن جاقىندارى قارسى الدى.   

ولاردىڭ حابارلاۋىنشا، ەرتەڭ ساعات 11.00-دە بلاگوۆەششەنسك كافەدرالدى سوبورىندا تەراكت قۇرباندارىن اقتىق ساپارعا شىعارىپ سالادى. 

ەسكە سالا كەتەيىك، قايعىلى وقيعا 14 شىلدەدە نيسسا قالاسىندا (فرانسيا) ورىن الدى. نيسسا جاعالاۋىندا باستيليا قامالىن الۋ كۇنىن تويلاۋ بارىسىندا جۇك كولىگى ادامداردى جانشىپ وتكەن.  قازا تاپقانداردىڭ قاتارىندا پانچەنكونىڭ جانۇياسى بولدى. سول تەراكتىدە 85 ادام اجال قۇشتى.

ايەلى، قىزى جانە نەمەرەسىنىڭ ءولىمى تۋرالى ل.م.پانچەنكو 17 شىلدەدە عانا ءبىلدى.

قۇربانداردىڭ مۇردەلەرىن قازاقستانعا تاسىمالداۋعا كەتكەن بارلىق شىعىندى فرانسيالىق تاراپ وتەدى.