قازاقستاندا تۋريزمىنە كىمدى كىنالايمىز؟
قازاقستاندىق دەمالىس ورىندارىنىنىڭ مەيرامحانالارىندا ءتىپتى دارەتحانا اقىسى دا ەسەپشوتقا جازىلادى، - دەپ جازادى Qamshy.kz.
Daulet Koke ەسىمدى فەيسبۋك قولدانۋشىسى جەلىگە مەيرامحانا ەسەپشوتىنىڭ سۋرەتىن سالىپ، جەلى قولدانۋشىلارى وندا قوسىلعان دارەتحانا اقىسىن سىنعا الدى.
«بۋرابايعا باردىم. دارەتحانا – مەيرامحانا اقىسىنا كىرەدى – بۇل كەرەمەت! تۋريزم دامىپ كەلەدى!» دەپ جازدى فوتو اۆتورى.
مەيرامحانا ەسەپشوتىنىڭ تۇبىرتەگىندە دارەتحانا اقىسى 50 تەڭگە ەكەنى كورسەتىلگەن.
ال جەلى قولدانۋشىلارى دەمالىس ورنىندا بۇل بۇرىننان بار نارسە كەنىن ايتىپ، جارىسا جازۋدا.
فوتو اۆتورىن قولداعان جەلى قولدانۋشىلارى قازاقستاننىڭ تۋريزم سالاسى ءۇشىن ۇيات نارسە ەكەنىن ايتۋدا.
«ماسەلە اقشادا ەمەس، مەنتاليتەتتە. ءسىز ەلەستەتىپ كورىڭىزشى، كەلگەن تۋريستەر نە ايتادى... قازاقتار ءبىزدىڭ دارەتحاناعا ءوانشا رەت بارعانىمىزدى سانادى دەپ ايتادى...» دەگەن جولامان ابىلعازين قازاقستاندىقتار مۇنداي باعاعا ءوز ەلىمىزدە دەمالا المايتىنىن، سوندىقتان ارزان دەپ، شەتەلدە دەمالاتىنىن العا تارتتى.
ءبىرشاما جەلى قولدانۋشىلارى مۇنى دۇرىس ەمەس دەپ داتتاپ جاتقاندا، مەيرامحانانىڭ اس اقىسىنا دارەتحانا اقىسىن قوسقاندى دۇرىس دەپ سانايتىندار دا پىكىر ءبىلدىرىپ جاتتى.
«مەن ولاردى تۇسىنەمىن. ءبىز دە وندا دەمالدىق، ولاردىڭ تاريفتەرى بارلىق جاعىنان اقتايدى» دەگەن مادينا جاكيانوۆا ەسىمدى قولدانۋشى بۋرابايدا قوعامدىق دارەتحانالاردىڭ جوقتىعىن، سول ءۇشىن دەمالۋشىلار كەز-كەلگەن مەيرامحانا كىرىپ، ول جەردىڭ قوناعى بولماسا دا دارەت سىندىرىپ كەتەتىنىن ايتقان قولدانۋشى مەيرامحانا دارەتحاناسىنىڭ تىم لاستانىپ كەتەتىنىن جازدى.
«بۇل كىم قالايدى سول كىرە بەرەدى. ال دارەتحانانىڭ تازالىعىن باقىلاۋدى ەشكىم قالامايدى. تازالىق ءۇشىن 50 تەڭگە ارزىمايتىن نارسە» دەيدى مادينا جاكيانوۆا.
تاماقتانۋ اقىسىنا دارەتحانا باعاسىن قوسقان «جۇمباقتاس» مەيرامحاناسىنىڭ فەيسبۋكتەگى پاراقشاسىندا دا بۇل ماسەلەگە قاتىستى رەسمي جاۋاپ بەرىلدى.
«ءبىز بەس جىل بويى بۇل قىزمەتتى تەگىن-اق قىلعانبىز. الايدا قولدانۋشىلار باستارىن، اياقتارىن جۋىپ، لاستاي بەرگەن سوڭ اقىلى قىلدىق. ويتكەنى سىرتتا قوعامدىق دارەتحانا جوق. بىزدەگى تىم لاستانىپ كەتەتىن بولعاندىقتان بۇل قىزمەتتى اقىلى قىلۋعا ءماجبۇر بولدىق» دەگەن مەيرامحانا ۇيلەستىرۋشىلەرى بۋرابايداعى دارەتحانا – قوعامدىق پروبلەما ەكەنىن، بۇل ماسەلەمەن اكىمدىك اينالىسۋ كەرەكتىگىن العا تارتقان.
تىلشىلەرگە بەرگەن جاۋابىندا ينۆەستيسيا جانە دامۋ ءمينيسترىنىڭ كەڭەسشىسى تاڭىربەرگەن بەردىوڭعار بۇل ماسەلەدە ەڭ ءبىرىنشى سول مەكەمەنىڭ يميدجىنە كەرى اسەر ەتەتىنىن ايتتى.
ونىڭ پىكىرىنشە، قازاقستاننىڭ تۋريزم سالاسىندا ءبىرىڭعاي ستاندارتتارىن ۇستانۋعا ءتيىس جانە دەمالىس ءۇشىن ينفراقۇرىلىمدى قامتاماسىز ەتۋ ءۇشىن جەرگىلىكتى اتقارۋشى ورگاندارعا مىندەتتەۋ كەرەك.
-ستاندارتتار ينفراقۇرىلىم قاجەتتى مولشەرىمەن قامتاماسىز ەتۋ ماقساتىندا وبلىستىڭ جەرگىلىكتى اتقارۋشى ورگانى (جاعاجاي، كيىم اۋىستىرۋ، اجەتحانا جانە دۋش ءۇشىن ورىندار) مىندەتتەيتىنى بار. مەن وسى ماسەلە بويىنشا اقمولا وبلىسىنىڭ اكىمىنىڭ ورىنباسارى ۆلاديمير بالاحونسيەۆكە سۇرانىس جىبەردىم. جاۋابى الداعى ۋاقىتتا كەلەدى، - دەدى مينيستر كەڭەسشىسى.
ال الەۋمەتتىك جەلى قولدانۋشىلارى قازاقستان ءتۋريزمىن دامىتۋدى وسىنداي ۇساق-تۇيەكتەن باستاۋ كەرەكتىگىن ايتۋدا.
قالاي دەگەنمەن دە، سىرتتان كەلۋشى تۋريستەردىڭ تاماقتانۋ اقىسىنا دارەتحانا باعاسىن قوسۋ – سول مەكەمەنىڭ ەمەس، قازاقستاننىڭ يميدجىنە ۇيات ەكەنىن ەسكەرۋ كەرەك.
