تۇركيا تاراپى اقش-قا ەردوعاننىڭ قارسىلاسى اتاقتى ۋاعىزشى فەتحۋللا گيۋلەندى ەكستراديسيالاۋ تۋرالى تالاپ حات جىبەرگەندىگىن بۇعان دەيىن حابارلاعان بولاتىنبىز. سەيسەنبى كۇنى مەملەكەتتىك دەپارتامەنتتىڭ رەسمي وكىلى مارك تونەر ساياساتكەردى ەكستراديسيالاۋ ءۇشىن ۇزاق ۋاقىت كەرەك ەكەنىن جانە بۇل ءىستى رەسمي تۇرعىدان قاراستىرۋ ءۇشىن قوسىمشا ماتەريالدار قاجەتتىگىن مالىمدەگەن بولاتىن.
«سەگودنيا.ua.»-نىڭ حابارلاۋىنشا ەردوعانعا وسى اپتادا قارسى ناۋقان رەتىندە WikiLeaks پورتالى تۇركيانىڭ بيلىك باسىنداعى ادىلەت جانە دامۋ پارتياسىنىڭ ەلەكتروندى پوشتاسىنا تيەسىلى 290 حاتتى جاريا ەتكەن. WikiLeaks پارتيا مۇشەلەرىنىڭ ەلەكتروندى پوشتالارىنا تيەسىلى حاتتارمەن قوسا ەلدىڭ ساياسي جۇەسىنىڭ مەنشىگىندەگى 100 مىڭ قۇجاتتى «قولعا تۇسىرگەن». حاتتار جاريالانعان سوڭ كەلەسى كۇنى انكارا ەل اۋماعىندا اتالمىش پورتال اقپاراتتارىنىڭ تارالۋىنا شەكتەۋ قويىپ، سايتتى بۇعاقتادى.
