«ەردوعان رەجيمىنىڭ قۇربانىنا اينالعانداردىڭ سانى 45 مىڭ ادامعا جەتتى» دەپ حابارلايدى بي-بي-سي.
بۇلاردىڭ اراسىندا اسكەريلەر مەن پوليسەيلەردەن باستاپ مۇعالىمدەر، ۋنيۆەرسيتەت دەكاندارى، جۋرناليستەر دە بار. جوو-دا جۇمىس ىستەيتىن 15 مىڭ ءمۇعالىم مەن 1،5 مىڭ دەكان ەردوعانعا قارسى توپتىڭ جاقتاۋشىلارى دەپ تانىلىپ، جۇمىستان شىعارىلعان. تۇركيانىڭ ءىىم-نىڭ 15 مىڭ قىزمەتكەرى، قارجى مينيسترلىگىنىڭ 1،5 مىڭ مامانى، سپورت مينيسترلىگى مەن پرەمەر-مينيستر كەڭسەسىندە ىستەيتىن 250 ادام ساياسي تۇرعىدان قىسقارتۋعا ۇشىراعان. مەملەكەتتىك توڭكەرىس وقيعاسىنان كەيىن 6 مىڭ اسكەري قىزمەتكەر، 9 مىڭ پوليسەي تۇتقىندالسا، 3 مىڭ سۋديا قىزمەتتەن بوساعان. بۇلاردىڭ بارلىعى فەتحۋللا گيۋلەننىڭ جاقتاستارى دەپ تانىلسا كەرەك.
