بۇل تۋرالى بي-بي-سي حابارلايدى. ءازىربايجان استاناسىندا ورنالاسقان كاۆكاز ۋنيۆەرسيتەتى 1993 جىلى تۇرىك كاسىپكەرلەرىنىڭ قولداۋىمەن اشىلعان. اتالمىش جەكە مەنشىك وقۋ ورنىنىڭ يسلاميست ۋاعىزشى، تۇركيانىڭ قازىرگى بيلىگىنىڭ باستى قارسىلاسى فەتحۋللاح گيۋلەنمەن بايلانىسى بار دەگەن اقپارات تاراعان.
«ءازىربايجان گيۋلەنمەن بايلانىستى دەگەن حابار تاراعان سوڭ كاۆكاز ۋنيۆەرسيتەتىن جاپتى. بۇل ۋنيۆەرسيتەت ەلدەگى ەڭ مىقتى وقۋ ورىندارىنىڭ ءبىرى ەدى» دەپ جازدى، Twitter-دەگى پاراقشاسىندا جۋرناليست حاديدجا يسمايلوۆا.
APA اگەنتتىگىنىڭ حابارلاۋىنشا 20 شىلدەدە اتالمىش ۋنيۆەرسيتەتتىڭ قۇرىلتايشىسى ءازىربايجاننىڭ ءبىلىم مينيسترلىگىنە جوو-ىن جابۋ تۋرالى شەشىم قابىلداعانىن حابارلاعان. "تۋران" اقپارات اگەنتتىگىنڭ مالىمەتى بويىنشا، ۋنيۆەرسيتەتتى قۇرۋشىلار گيۋلەننىڭ جاقىن ادامدارى بولعان. 2014 جىلى ءازىربايجان بيلىگى تۇركيانىڭ ءوتىنىشى بويىنشا ايگىلى يسلاميست ۋاعىزشىمەن بايلانىستى مەملەكەتتىك مەكەمە قىزمەتكەرلەرىن جۇمىستان شىعاردى. بۇگىندە فەتحۋللاح گيۋلەن تۇركيادا پرەزيدەنت ەردوعاننان كەينىگى ەڭ بەدەلدى ساياسي تۇلعا سانالادى.
