بۇگىن اقوردادا پرەمەر-مينيستر كارىم ءماسىموۆتى قابىلداعان مەملەكەت باسشىسى نۇرسۇلتان نازاربايەۆ جەر رەفورماسى جونىندەگى كوميسسيا جۇمىسىنىڭ قورىتىندىسىن ۇسىنۋدى تاپسىردى، - دەپ حابارلايدى Qamshy.kz.
مەملەكەت باسشىسىنا ەلدىڭ الەۋمەتتىك-ەكونوميكالىق دامۋى تۋرالى ەسەپ بەرگەن ۇكىمەت باسشىسى مەملەكەتتىك باعدارلامالاردىڭ ورىندالىسىن باياندادى.
ەلباسى كارىم ماسىموۆكە ءبىرقاتار ناقتى تاپسىرمالار جۇكتەدى.
«ءبىرىنشى كەزەكتە ەكونوميكالىق كورسەتكىشتەردىڭ تومەندەۋىنە جول بەرمەۋ كەرەك. ەكىنشىدەن، ەگىن جيناۋ مەن كۇزگى-قىسقى مەزگىلگە دايىندىققا كوڭىل ءبولۋ قاجەت. سونداي-اق، ەكسپو-2017 كورمەسىنە جانە 2017 جىلعى ۋنيۆەرسياداعا دايىندىقتى جالعاستىرۋ كەرەك»، - دەدى ەلباسى.
حالىقتىڭ ءال-اۋقاتىن ارتتىرۋ ءۇشىن يندۋستريالدى-يننوۆاسيالىق دامۋدى دا نازاردان تىس قالدىرماۋ كەرەكتىگى ەسكەرتىلدى.
سونىمەن بىرگە، مەملەكەت باسشىسى جاقىن كۇندەرى جەر رەفورماسى جونىندەگى كوميسسيا جۇمىسىنىڭ قورىتىندىسىن ۇسىنۋدى تاپسىردى.
«تامىز ايىنىڭ سوڭىندا ۇكىمەتتىڭ كەڭەيتىلگەن وتىرىسىن وتكىزىپ، ارى قارايعى ارەكەتتەردى پىسىقتاۋ ءۇشىن بارلىق كورسەتىلگەن ماسەلەلەر بويىنشا شەشىمدەر شىعارۋدى سۇرايمىن»، - دەدى ەلباسى جەر رەفورماسى جونىندەگى كوميسسياعا قاتىستى.
