ۇلان اۋدانىنىڭ تايىنتى اۋىلىندا ۇلان-اسىر توي ءوتتى. بۇل توي تاريحقا «وراي شاپ» دەگەن اتپەن قالعان قاندى وقيعانىڭ 100 جىلدىعىنا ارنالدى، - دەپ حابارلايدى Qamshy.kz.
ەل تاۋەلسىزدىگىنىڭ 25 جىلدىعىمەن تۇسپا-تۇس كەلگەن ايتۋلى تويعا پارلامەنت ءماجىلىسىنىڭ دەپۋتاتتارى، حالىق قاھارمانى باقىتجان ەرتايەۆ پەن ەۆگەنيي كوزلوۆ قاتىستى.
ۇكىلى جۇيرىگىن جەتەلەپ، ءۇمىتتى بالۋاندارىن ەرتكەن جۇرت ءتۇس الەتىندە بايگەتوبەنىڭ باسىنا جيىلدى. قوناقتار اۋەلى اۋىلدىڭ كىرەبەرىسىندەگى وسكەمەن–سامار جولىنىڭ بويىنا قويىلعان ەسكەرتكىشتىڭ اشىلۋىنا كۋا بولدى. اۋدان اكىمى داۋلەت باتىربايەۆ حالىقتى ۇلت-ازاتتىق كوتەرىلىستىڭ 100 جىلدىعىمەن قۇتتىقتاي كەلىپ، ءدۇبىرلى تويدى ۇيىمداستىرعان ازاماتتارعا العىس ايتتى. اقىن ابزال قاسەنوۆ وتتى جىرمەن شاشۋ شاشتى.
