جۇمىس ساپارىمەن شقو-عا كەلگەن مەملەكەت باسشىسىنىڭ نازارىنا تۇڭعىش قازاقستاندىق ەلەكتروموبيل تانىستىرىلدى، - دەپ حابارلايدى Qamshy.kz Altaynews.kz -كە سىلتەمە جاساپ.

قاراپايىم ەلەكتردەن قۋات الاتىن KIA Soul EV ميكروۆەنى وسىدان ءبىر جىل بۇرىن قۇراستىرىلعان ەكەن. بۇل كولىك قۋاتى 200 شاقىرىمعا دەيىن جەتەتىن پوليمەرلىك ليتيي-يوندى باتارەياسىمەن جابدىقتالعان. ەلەكترقوزعالتقىشىندا 110 اتتىڭ كۇشى بار. ال جىلدامدىعىن ساعاتىنا 145 شاعىرىمعا دەيىن جەتكىزە الاتىن كورىنەدى. ونى ەلباسىعا تانىستىرماس بۇرىن ءتۇرلى سىناقتاردان وتكىزىلىپ، جىلدىڭ ءار مەزگىلىندەگى كليماتقا توزىمدىلىگى تەكسەرىلىپتى. كولىكتىڭ اككۋمولياتورى قىستا جىلىتىپ، جازدا سالقىنداتاتىن قاپتامامەن قورعالعان. پرەزيدەنت بۇل سالاداعى اسا جوعارى تەحنولوگيانىڭ قازاقستان اۋماعىندا يگەرىلگەنىنە ريزاشىلىعىن ءبىلدىردى.

- مەن بۇگىن ەل دامۋىندا ماڭىزى زور وسكەمەندەگى «ازيا اۆتو» كاسىپورنىندا بولدىم. بۇل كاسىپورىن قۇرىلعانعا دەيىن قازاقستان اۆتوموبيل شىعارىپ كورمەگەن. ازىرگە مۇندا قۇراستىرۋ ءوندىرىسى جولعا قويىلعان. الەمنىڭ بارلىق ەلدەرى وسىلاي قۇراستىرۋدان باستاعان. سول ارقىلى ادامدارىن ۇيرەتىپ، كەيىن بىرتىندەپ جەرگىلىكتى مازمۇندى ارتتىرعان، سوڭىندا تولىقتاي وزدەرى وندىرەتىن بولعان. زاۋىتتىڭ جاس ماماندارىمەن، وسىندا ىستەپ جۇرگەن «بولاشاق» تۇلەكتەرىمەن سويلەستىم. ءبىزدىڭ قازاق جاستارى مۇنداي وندىرىسكە ەشقاۋىتتا جىبەرىلمەيتىن بولعان. سولاردى كورگەنىمە قاتتى قۋانىپ وتىرمىن. ءوزىنىڭ ماماندىعىن جوعارى دەڭگەيدە يگەرگەن، شەتەلدەرگە بارىپ ۇيرەنگەن جاستارمەن كەزدەستىم. ءبىزدىڭ شىعارىپ وتىرعان كولىكتەرىمىزدىڭ ەڭ ارزانى جەتى مىڭ، ەڭ قىمباتى 15 مىڭ دوللار تۇرادى. مۇنداي باعا حالىققا دا جايلى، باسەكەگە دە قابىلەتتى دەپ سانايمىز. بۇل كولىكتەرىمىزدى كورشىلەرىمىزگە دە ساتامىز، - دەدى ەلباسى. 

ەسىمجان ناقتىباي ۇلى