«اتامەكەن» ق ر ۇكپ ءتورالقا ءتوراعاسى شىعىس قازاقستان وبلىسىنا ساپارى بارىسىندا اكىمدىك پەن وكپ جۇمىسىنا جوعارى باعا بەردى.
«شقو بيلىگى مەن كاسىپكەرلەرى وڭىردەگى ىسكەرلىك احۋالدى بىرلەسە جاقسارتۋدا «،-دەدى تيمۋر قۇلىبايەۆ. بۇل جايلى ق ر ۇكپ باسپا ءسوز قىزمەتى حابارلادى.
تيمۋر قۇلىبايەۆ و.رىپاكوۆا اتىنداعى جەڭىل اتلەتيكا ورتالىعىندا، وسكەمەن ءسۇت كومبيناتىندا بولىپ، سودان كەيىن وڭىرلىك كەڭەستىڭ كەڭەيتىلگەن ماجىلىسىندە ءوڭىردىڭ بيزنەس-قوعامداستىعىمەن كەزدەستى.
«اتامەكەن» باسشىسى وكپ قىزمەتىنىڭ باسىم باعىتتارىن ايقىنداپ بەردى.
ماجىلىسكە قاتىسۋشىلار تالقىلاعان باستى تاقىرىپتار - مەملەكەتتىك ساتىپ الۋلاردا وتاندىق تاۋار وندىرۋشىلەردى قولداۋ ماسەلەلەرى، شەتەلدىك ينۆەستورلاردى قولداۋ، قاداعالاۋشى ورگانداردىڭ تەكسەرۋلەرى، قارجىلاندىرۋعا قول جەتكىزۋ پروبلەمالارى، ونىڭ ىشىندە ايەلدەر كاسىپكەرلىگى ماسەلەلەرى.
«كاسىپكەرلەر پالاتاسىنىڭ جۇمىسى كليەنتكە باعدارلانعان، تالداۋ ناتيجەسىندە كاسىپورىنداردىڭ ەڭ ءجيى كەزدەسەتىن جۇيەلىك پروبلەمالارى بويىنشا 2000-نان استام پروبلەمالار انىقتالدى»، - دەپ باياندادى ۇكپ باسشىسىنا كاسىپكەرلەردىڭ وڭىرلىك پالاتاسىنىڭ ديرەكتورى يگور شاسكيي.
وتاندىق تاۋار وندىرۋشىلەردىڭ ساتىپ وتكىزۋدەگى قيىندىقتارى، قارجى رەسۋرستارى مەن مەملەكەتتىك باعدارلامالارعا قولجەتىمدىلىك، جەر ۋچاسكەلەرىن بەرۋ جانە اكىمشىلىك كەدەرگىلەر، ساتىپ الۋلار مەن جەرگىلىكتى قۇرام، اوك-نىڭ پروبلەمالىق ماسەلەلەرى، سالىقتىق اكىمشىلەندىرۋ پروبلەمالارى، ساۋدا، تاريفتەر - مىنە، ءقازىر كاسىپكەرلەر پالاتاسى بەلسەندى جۇمىس جۇرگىزىپ جاتقان نەگىزگى جايتتار وسىنداي.
وكپ ءوزىنىڭ ءبىرىنشى كەزەكتەگى مىندەتى - مەملەكەتتىك ساتىپ الۋ كەلىسىمشارتىن جاساعاننان كەيىن وتاندىق ءوندىرۋشىنىڭ ءونىمىن قولدانۋعا قاتىستى تەندەردەن كەيىنگى باقىلاۋدى ۇيىمداستىرۋ جانە وندىرۋشىلەردىڭ جەرگىلىكتى تاۋارلىق پوزيسيالارىن جوبالاۋ كەزەڭىندە ەنگىزۋ.
«بيۋدجەتتىك سالانىڭ جانە ۇلتتىق كومپانيالاردىڭ تاۋارلاردى جانە جۇمىستاردى ساتىپ الۋى كەزىندە قول مەنەدجمەنتىنە اۋىسۋ قاجەت»، - دەگەن پىكىرىن ءبىلدىردى يگور شاسكيي.
وكپ ديرەكتورى پالاتانىڭ قول جەتكەن جەتىستىكتەرىنە توقتالىپ ءوتتى. ونىڭ ايتۋىنشا، ولار كەپىلدىككە بوساتۋ تۇرىندەگى بۇلتارتپاۋ شاراسىن وزگەرتۋ جونىندەگى تاجىريبەنى قولدانۋعا قول جەتكىزگەن، بۇعان دەيىن شقو-دا ول بولماعان.
سونداي-اق، بيزنەستىڭ جەر كوميسسيالارىنا 50%-دىق قاتىسۋى، جەر ۋچاسكەلەرىن بەرۋدەن باس تارتۋ سانىن 25%-عا ازايتۋعا مۇمكىندىك بەردى.
بيزنەسكە ارنالعان رۇقساتنامالىق راسىمدەر سالاسىندا پالاتا وبلىس اكىمدىگىمەن جانە پروكۋراتۋراسىمەن بىرلەسىپ ارتىق قۇجاتتار تالاپ ەتۋدى 85%-عا ازايتۋعا جانە راسىمدەردى كورسەتۋ مەرزىمىن 15-20% قىسقارتۋعا قول جەتكىزدى.
بيزنەستى قورعاۋ جونىندەگى جۇمىستىڭ ناتيجەلەرى دەپ، سونداي-اق، پالاتانىڭ ءوتىنىشى بويىنشا 30 لاۋازىمدى تۇلعانى كاسىىپكەرلەردىڭ قۇقىقتارىن بۇزعانى ءۇشىن جاۋاپكەرشىلىككە تارتىلعانىن ايتۋعا بولادى - ياعني، قىلمىستىق ءىس قوزعاۋ، قىزمەتىنەن بوساتۋ، اكىمشىلىك جانە تارتىپتىك جاۋاپكەرشىلىككە تارتۋ.
وبلىستىڭ (وڭىرلەردىڭ دە) پروكۋراتۋراسىمەن تىعىز جانە جەمىستى جۇمىس جۇرگىزىلۋدە.
سونىمەن، ەسەپتىك كەزەڭدە وبلىس بويىنشا پروكۋرور جانىنداعى كەڭەستىڭ 76 وتىرىسى وتكىزىلگەن، ولاردا بيزنەستىڭ 133 پروبلەمالىق ماسەلەسى قارالعان. قارالعان وتىنىشتەردىڭ جالپى سانىنىڭ 60%-ى وڭ شەشىلگەن.
پالاتا وكىلدەرى كاسىپكەرلىك سۋبەكتىلەرىنىڭ قۇقىقتارىن سوتتا قورعايدى. پالاتا وكىلدەرىنىڭ قاتىسۋىمەن 63-تەن استام سوت پروسەسى ءوتتى، ونىڭ 80%-ى كاسىپكەرلەردىڭ پايداسىنا شەشىلدى.
جاس كاسىپكەرلەر بازاسى قۇرىلدى. وتاندىق تاۋار وندىرۋشىلەردىڭ ءتۇرلى باعىتتار بويىنشا تىزىلىمدەرى قۇراستىرىلدى.
شقو كپ باستاماسىمەن وبلىس اۋداندارىندا «بارلىعى العىس ءۇشىن» 12 دۇكەنى اشىلدى.
«جالپى، شىعىس قازاقستان وبلىسىنىڭ كاسىپكەرلەر پالاتاسى جەرگىلىكتى اتقارۋشى جانە قۇقىق قورعاۋ ورگاندارىمەن تىعىز ىنتىماقتاستىقتا جۇمىس ىستەيدى. كاسىپكەرلەردەن تۇسەتىن وتىنىشتەر سانىنىڭ وتكەن جىلدىڭ وسى كەزەڭىمەن سالىستىرعاندا ءوسۋ سەرپىنى بايقالدى. بۇل كاسىپكەرلەر پالاتاسىنا دەگەن سەنىمنىڭ وسكەنىن بىلدىرەدى. ءبىز وسى سەنىمدى اقتاۋ ءۇشىن قولدان كەلگەننىڭ ءبارىن ىستەيمىز»، - دەپ تۇيىندەدى ءوز ءسوزىن وكپ ديرەكتورى.
«مەنىڭ ويىمشا، بۇل بيلىك پەن بيزنەستىڭ ءوزارا ءىس-قيمىلىنىڭ جارقىن مىسالى. سىزدەر ەشقانداي ارتىق كۇش-قۋاتسىز، اقشاسىز، قاراپايىم قادامدارمەن ءوڭىردىڭ بيزنەس-كليماتىن جاقسارتىپ وتىرسىزدار»، - دەپ تيمۋر قۇلىبايەۆ وكپ جۇمىسىن وڭ باعالادى.
