جەتى ايدان بەرى جالاقى الماعان ماڭعىستاۋلىق مۇنايشىلار باس كوتەردى، - دەپ حابارلايدى Qamshy.kz 31-ارناعا سىلتەمە جاساپ.

ماڭعىستاۋدا مۇنايشىلار تاعى باس كوتەرىپ جاتىر. ايتۋلارىنشا، جالاقى الماعاندارىنا جارتى جىلدان اسقان. كەن ورنى اشىلعان كۇننەن  باستاپ قىزمەت ەتىپ كەلە جاتقان ازاماتتار وزدەرى قىزمەت ەتەتىن «مۇناي-وڭتۇستىك» كومپانياسى  اقىمىزدى بەرە الماي وتىر دەيدى.

ماڭعىستاۋ وبلىسىنا قاراستى بورانقۇل اۋىلىنىڭ جۇمىسشىلارى وزدەرى قىزمەت ەتەتىن «مۇناي-وڭتۇستىك» كەن ورنىنا باسشىلارىنا نارازى. جارتى جىلدان بەرى جالاقىلارىن الماعان ازاماتتاردىڭ ءبىرى - بالتابەك يسايەۆ. ايتۋىنشا جالاقىسىز وتباسىن اسىراۋدىڭ ءوزى قيىنعا سوعىپتى.

بالتابەك يسايەۆ، جۇمىسشى:

- جەتى ايدان بەرى جالاقى الا الماي وسى جانىمىز قينالىپ، بالا-شاعامىزدى اسىراي الماي جۇرگەن جاعدايىمىز بار. ال، ەندى، وسى مەن سياقتى دەنى ساۋ ازاماتتاردىڭ بوس جۇمىسسىز ءجۇرۋى جاراسا ما؟

جالاقى الماعاندىقتان تال سۋعارۋمەن  تاڭىن اتىرىپ جۇرگەن بالتابەك سەكىلدى وسى اۋىلدىڭ ازاماتتارى ءتۇسىرىلىم توبىن كورگەننەن جانايقايلارىن جوعارى بيلىككە جەتكىزۋگە تىرىستى.

دۇيسەنباي زۇلقاش ۇلى، جۇمىسشى:

- «مۇناي-وڭتۇستىك» ج ش س جۇمىسشىلارىمىز، مىنا تۇرعاندار. بىلتىرعى جىلدان باستاپ، جالاقى-ەڭبەكاقىمىزدى العان جوقپىز. ءقازىر جەتى-سەگىز اي بولدى. ەندىگى جاعداي مۇشكىل.

امالباي نىسانبايەۆ، جۇمىسشى:

- باسشىلار ءقازىر قوقان-لوقى كورسەتىپ جۇمىستان شىعىڭدار دەگەن اڭگىمە ايتىپ جاتىر. ال، جۇمىس ىستەيتىن مەستوروجدەنيەدە ءقازىر جۇمىس ءجۇرىپ جاتىر. باسقا نايۋمنىي جۇمىسشىلار جالداپ قويعان. جاساتاتىن بولسا مىنا رابوچىيلار تۇر عوي، مىنا جەردە. جاساتۋلارىنا بولادى عوي. جاتىرمىز سەگىز ايدان بەرى.

ەڭبەكاقىلارىن الا الماي اشىنعانداردىڭ ايتۋى بويىنشا جالاقى الماعان 40-قا تارتا جۇمىسشى بار ەكەن. ال، «مۇناي-وڭتۇستىك» جاۋاپكەرشىلىگ شەكتەۋلى سەرىكتەستىنىڭ باسشىلىعى بولسا، ازاماتتاردىڭ جالاقىسىن بەرىپ جاتىرمىز دەپ اقتالدى.

ءادىل بەكزاتوۆ، «مۇناي-وڭتۇستىك» ج ش س باسشىسى:

- كوپ جاعداي تابيعات جاعدايىنا بايلانىستى بولدى. 2015-2016 جىلدىڭ قىسى جىلى بولعاندىقتان، كاسپيي تەڭىزىنىڭ دەڭگەيى كوتەرىلىپ، اپاتتى جاعداي تۋىنداعان سوڭ، بىزگە مۇناي ءوندىرۋ ءقاۋىپتى بولدى. سوعان قاراماستان، قولىمىزدان كەلگەنشە تولەدىك.  ءقازىر قۇرىلتايشىلار مەن دەمەۋشىلەردىڭ ارقاسىندا 2 ايدىڭ جالاقىسىن تولەدىك.  ءقازىر ءوندىرىستى قايتا قالپىنا كەلتۋىگە تىرىسىپ جاتىرمىز.

- ماڭعىستاۋ وبلىسىنا قاراستى «مۇناي-وڭتۇستىك» ج ش س مۇنايشىلارى جارتى جىلدان بەرى جالاقى الا المادىق دەپ، جانايقايلارىن جەتكىزدى. ايتۋلارىنشا التى ايدان بەرى ايلىق كورمەدىك دەگەن اشۋعا بۋلىققان اعايىن بارار جەر، باسار تاۋىمىز قالمادى دەپ مۇڭدارىن شاعادى. ەندىگى جەردە ماسەلە تۇبەگەيلى شەشىمىن تاپپاسا استاناعا ارىز جونەلتەمىز دەپ وتىر.