پاۆلودار قالاسىندا كۇتپەگەن وقيعا ورىن الدى. كۇندىزگى ساعات ۇشتەردىڭ شاماسىندا تابيعات توسىن مىنەز تانىتىپ، كۇن كۇركىرەپ، نايزاعاي وينايدى. كەنەت قاتتى كۇركىرەگەن كۇنمەن بىرگە جولاۋشىلار ترامۆايىنا جاي تۇسكەن، – دەپ حابارلايدى Qamshy.kz BAQ.kz – كە سىلتەمە جاساپ.

بۇل تۋرالى پاۆلودار قالالىق ترامۆاي باسقارماسىنىڭ باسپا ءسوز قىزمەتى مالىمدەدى.

ولاردىڭ ايتۋىنشا «نايزاعاي ترامۆايدىڭ ەلەكتر قۇرىلعىسىنا ءتۇسىپ، وت ۇشقىندادى. وقيعا ورنىنا ءورت سوندىرۋشىلەر كەلىپ، تۇتانعان ءورتتى دەرەۋ ءوشىردى»، - دەيدى. ابىرويبولعاندا جولاۋشىلاردىڭ ەشقايسىسى زارداپ شەكپەگەن.

ءدال وسى ۋاقىتتا جاڭبىر دا تولاسسىز جاۋىپ، قالا كوشەلەرىن سۋعا تولتىرعان. قالا كوشەلەرىن سۋدان تازارتۋ ءۇشىن 7 كولىك جۇمىلدىرىلعان.

«ءبىزدىڭ بريگادا قازىرگى كەزدە سۋ كوپ جينالعان جەرلەردە جۇمىس جاساپ جاتىر»، - دەپ حابارلادى تكش بولىمىنەن.