موڭعوليانىڭ باي-ولكەسىندەگى اپاتتان زارداپ شەككەندەرگە قازاقستاننان جىبەرىلگەن ماتەريالدىق كومەك اپات ورنىنا جەتتى. ونىڭ ىشىندە جۋرناليست بەرىك ءۋاليدىڭ دومبىراسى دا بار، – دەپ حابارلايدى Qamshy.kz.
بۇل تۋرالى بلوگەر جاناربەك اقبي الەۋمەتتىك جەلىدە جاريالادى.
«بايان-ولگەيدەگى سەلدەن زارداپ شەككەندەردىڭ فوتوسىن عالامتورعا شاشتىق. باستى ماقسات ەل بولىپ قينالعان اعايىنعا كومەك قولىمىزدى سوزساق دەگەن يگى تىلەك ەدى. ءسولاردىڭ ىشىندە دومبىراسى شاعىلعان ولجاستىڭ فوتوسى دا عالامتوردى شارلاپ كەتتى. فوتو كوپتىڭ نازارىن اۋداردى. تانىمال جۋرناليست بەرىك ءۋاليدى دە سىنعان دومبىرانى قۇشاقتاعان بالاقايدىڭ فوتوسى بەي-جاي قالدىراماسا كەرەك. بايان-ولگەيگە سەلدەن زارداپ شەككەندەرگە قارجىسىن دا ۇسىنىپ ءۇش جاسار ولجاس بالاقايعا جاڭا دومبىرا الىپ بەرىپ جىبەرىپتى»، - دەپ جازىلعان الەۋمەتتىك جەلى پاراقشاسىندا.
ەستەرىڭىزگە سالساق، 10 شىلدە كۇنى موڭعوليانىڭ بايان-ولگەي قالاسىندا سۋ تاسقىنىنان 100-دەن استام ءۇي قيراپ، 700-شاقتى ادام باسپاناسىز قالعان بولاتىن. وسى وقيعادان زارداپ شەككەندەرگە قازاقستان ازاماتتارى ماتەريالدىق كومەك ۇيىمداستىردى.
