ق ر اۋىل شارۋاشىلىعى مينيسترلىگى ورمان شارۋاشىلىعى جانە جانۋارلار الەمى كوميتەتى پاۆلودار وبلىسى ەرتىس وزەنىندە بالىقتاردىڭ جاپپاي قىرىلۋ سەبەپتەرى تۋرالى ايتىپ بەردى، - دەپ حابارلايدى Qamshy.kz قازاقپارتقا سىلتەمە جاساپ.

«ق ر اۋىل شارۋاشىلىعى مينيسترلىگى ورمان شارۋاشىلىعى جانە جانۋارلار الەمى كوميتەتىنىڭ پاۆلودار وبلىسىنداعى اۋماقتىق ينسپەكسياسى «پالودار وبلىسى تۇتىنۋشىلار قۇقىعىن قورعاۋ باسقارماسى» مب جانە «پاۆلودار وبلىسى بويىنشا ەكولوگيا دەپارتامەنتى» مب زەرتحانالارىندا راديولوگيالىق جانە توكسيكولوگيالىق زەرتتەۋدەن وتكەن سۋ ۇلگىلەرىندە اۋىر مەتالل تۇزدارىنىڭ كولەمى قالىپتى دەڭگەيدە ەكەنى انىقتالدى»، - دەلىنگەن كوميتەتتىڭ «قازاقپارات» اگەنتتىگىنە بەرگەن رەسمي جاۋابىندا.

ۆەدومستۆونىڭ حابارلاۋىنشا، بالىقتاردىڭ قىرىلۋ سەبەپتەرىن انىقتاۋ ماقساتىندا «قازاق بالىق شارۋاشىلىعى عىلىمي-زەرتتەۋ ينستيتۋتىنىڭ» التاي فيليالىنان ارنايى زەرتتەۋشىلەر شاقىرىلعان.

«شىعىس قازاقستان وبلىسىنداعى سۋ قويمالارىنان سۋ جىبەرىلگەننەن كەيىن، بالىقتاردىڭ قىرىلۋى سۋ مەن اۋانىڭ قاتتى ىسۋىنان وزەننەن كەلەتىن سۋى ءۇزىلىپ قالعان جايىلما كولشىكتەردە ورىن العان. مونيتورينگ ناتيجەسى بويىنشا، 2016 جىلدىڭ 12 جانە 18 شىلدە كۇندەرى بالىقتىڭ قىرىلۋى تىركەلگەن جوق، وقيعانى باقىلاۋ جۇمىستارى جالعاسۋدا»، - دەپ جازادى كوميتەت.

پاۆلودار وبلىسىنىڭ قۇزىرلى ورگاندارى ەرتىس وزەنىنەن ءۇزىلىپ قالعان كولشىكتەردەن شاباقتاردى ساقتاۋ قاجەتتىلىگى تۋرالى حاباردار ەتىلگەن.

ەسكە سالا كەتەيىك، بۇنىڭ الدىندا ب ا ق وكىلدەرى، پاۆلودار وبلىسى ەرتىس وزەنىندە بالىقتار جاپپاي قىرىلىپ جاتقاندىعىن حابارلاعان بولاتىن. ايماقتىق توتەنشە جاعدايلار دەپارتامەنتى مامىر اۋدانى مەن اقسۋ قالاسى ماڭىندا ورىن العاندىعىن اتاپ وتكەن.