شىعىس قازاقستان وبلىسىندا «التاي بازارى» فەستيۆالى قولونەرشىلەردىڭ باسىن قوسپاقشى، دەپ حابارلايدى Qamshy.kz BNews.kz - كە سىلتەمە جاساپ. 50-دەن استام ءتۇرلى قولونەرشى وزدەرىنىڭ ۇزدىك جۇمىستارىن كورسەتىپ قانا قويماي، ايماقتىڭ تۇرعىندارىنا ءوز تاجىريبەلەرىمەن بولىسپەك.

شىلدەنىڭ 23-24-ىندە وسكەمەننىڭ سول جاعالاۋىندا قولونەرشىلەردىڭ ۇلكەن فەستيۆالى وتپەكشى. 50-دەن استام ءتۇرلى قولونەرشى ءوز تۋىندىلارىمەن تانىستىرىپ، جۇرتشىلىققا شەبەرلىك ساباقتارىن دا وتكىزەدى، دەپ ءمالىم ەتتى «شقو تۋريستىك اقپاراتتىق ورتالىعى».

فەستيۆال 23 شىلدەدە «شەبەرلەر شاھارى» كەشەنىندە اشىلادى. سول كۇنى جينالعان جۇرتشىلىق قولونەردىڭ تۇر-تۇرىنەن جانە ونىڭ تەحنيكاسى بويىنشا تەگىن شەبەرلىك ساباقتارىنا قاتىسا الادى.  شەبەرلىك ساباقتارىنا قاتىسۋشىلارعا قاجەتتى ماتەريالداردى ۇيىمداستىرۋشىلار ۇسىناتىن بولادى.
كەلەسى كۇنى «التاي بازارى» قولونەرشىلەر جاردەڭكەسى وتەدى.

ۇيىمداستىرۋشىلاردىڭ ايتۋىنشا، بۇل شارا قولونەرشىلەردىڭ تاجىريبە الماسۋىنا جانە بىرەگەي ەكولوگيالىق ءونىمدى كوپشىلىككە تاراتۋعا وڭ ىقپال ەتەدى دەپ وتىر.