بىرىككەن ۇلتتار ۇيىمى سيريانىڭ الەپپو، داراييا، مانبيدجا قالالارىنداعى جاعدايعا الاڭداۋلى. سوعىس بولىپ جاتقان بۇل ايماقتا شامامەن 200 000 بەيبىت تۇرعىن بار. بۇۇ-نىڭ ادام قۇقىقتارى جونىندەگى جوعارعى كوميسسارى زەيد رااد ال-حۋسەين  سوعىسۋشى تاراپتاردى بەيبىت تۇرعىندار اراسىندا قۇرباندار سانىن مەيلىنشە تومەندەتۋگە شاقىردى، - دەپ حابارلايدى Qamshy.kz.

 الەپپو، داراييا جانە مانبيدجا  تۇرعىندارى ەلەكتر جارىعىنسىز، دارى-دارمەكسىز تىرشىلىك ەتۋدە. سۋ مەن ازىق-تۇلىك تاپشى. جازىقسىز ادامدار كوشەلەردە اتىس كەسىرىنەن قازا بولۋدا. يگيل-دىڭ باقىلاۋىنداعى كەيبىر ورىنداردا تۇرعىندارعا ۇيدەن شىعۋعا تيىم سالىنعان. وتباسىلار مەرت بولعان تۋىستارىن زيراتقا جەرلەۋگە مۇمكىندىگى بولماعان سوڭ جەرتولەلەردە كومۋگە ءماجبۇر. «زەيد رااد ال-حۋسەيننىڭ سوزىنشە، سيريا  «قاڭىراعان قورىمعا» اينالدى»، —  دەدى، جەنيەۆادا وتكەن بريفينگتە جوعارى كوميسساردىڭ رەسمي وكىلى رۋپەرت كوللۆيل. ال-حۋسەين اسكەري قىلمىستى جاساۋشىلار كۇندەردىڭ ءبىر كۇنىندە قىلمىستارى ءۇشىن جاساۋاپ بەرەتىنىن بىلگەنى ءجون دەگەن پىكىر ءبىلدىردى.