جۇڭگو ۇكىمەتى باق-نا جاڭالىقتاردى كەلىسىمسىز جاريالاۋعا تيىم سالدى. ەلدەگى ءىرى ونلاين كومپانيالار تەك دايەكتى اقپاراتتاردى عانا جاريالاي الادى، - دەپ حابارلايدى Qamshy.kz.

 ەندى جۇڭگو عالامتورىندا مەملەكەتتىك اقپارات قۇرالدارىندا جاريالانعان حابارلار مەن ماقالالار عانا شىعادى.  جاڭا تالاپ ورىندالماعان جاعدايدا مەديا كومپانيا ايىپپۇل تولەيدى. وسى ارقىلى جۇڭگو بيلىگى ينتەرنەت كومپانيالارعا اعىمداعى جاڭالىقتاردى، اتاپ ايتقاندا ساياسات، ەكونوميكامەن بايلانىستى جاريالىمداردى، شەت ەل جاڭالىقتارى مەن الەۋمەتتىك ماسەلەلەردى قوزعاعان ماقالالاردى رۇقساتسىز جاريالاۋعا تيىم سالدى.

Bloombergء-تىڭ جازۋىنشا، بۇل جۇڭگو ۇكىمەتىنىڭ ەلدەگى بارلىق اقپارات قۇرالدارىن تولىق باقىلاۋىنا اكەپ سوعادى. بۇعان دەيىن حابارلانعانداي، جۇڭگو باسشىلىعى ءموبيلدى قوسىمشالارعا باقىلاۋدى كۇشەيتتى. 1 تامىزدان باستاپ كۇشىنە ەنەتىن جاڭا ەرەجەگە ساي عالامتورداعى اقپارات ىستەرى جونىندەگى مەملەكەتتىك كانسەلياريا تاراپىنان ەل اۋماعىنداعى ءموبيلدى قوسىمشالار قاتاڭ باقىلاناتىن بولادى. سونداي-اق، ءموبيلدى قوسىمشالار ساتىلاتىن دۇكەندەر دە تەكسەرىلەدى. جاڭا ەرەجەلەر حالىقتى تەرروريزم ءقاۋپى، الاياقتىق، پورنوگرافيا مەن اقپارات ۇرلىعى، جالعان اقپاراتتاردىڭ تارالۋى سياقتى قاتەرلەردى بولدىرماۋ ءۇشىن ەنگىزىلگەن. بۇگىندە قىتايدا ءموبيلدى قوسىمشالار دۇكەندەرىندە 4 ميلليوننان استام باعدارلاما ساتىلۋدا.