قىلمىستىڭ اۋىر تۇرىنەن دۇنيەجۇزىندە ءبىرىنشى ورىن الاتىن مەكسيكادا وتكەن اپتاداعى دەمالىس كۇندەرى ەكى قالا مەرى مەرت بولدى، - دەپ حابارلايدى Qamshy.kz.
Informador-دىڭ حابارلاۋىنشا، گەررەرو شتاتىنداعى سيۋداد-التاميرانو قالاسىنىڭ مەرى امبروسيو سوتونىڭ كولىگىنە قارۋلى توپ شابۋىل جاساعان. شابۋىل ناتيجەسىندە قالا باسشىسىن كۇزەتكەن ەكى پوليسيا قىزمەتكەرى جارالانعان. بۇعان دەيىن ءمالىم بولعانداي، 23 شىلدەدە سان-حۋان-چامۋلادا (چياپاس شتاتى) قالا باسشىسىنا اكىمشىلىككە نارازى توپ اراسىنان بىرەۋ وق اتقان. اتىس كەزىندە بەس ادام قازا بولعان.
ريا نوۆوستيء-دىڭ مالىمەتى بويىنشا، جينالعاندار قالا باسشىسىنان قوعامدىق جۇمىستار مەن قولونەرشىلەردى قولداۋعا قارجى ءبولۋدى تالاپ ەتكەن. اتىستا مەردەن باسقا ەكى شەنەۋنىك پەن اكىمشىلىك جۇرگىزۋشىسى جانە قالانىڭ ءبىر تۇرعىنى مەرت بولدى. جينالعاندار كوشەلەردى جاۋىپ، بيلىكتەن مۋنيسيپاليتەت قارجىسىنىڭ جۇمسالۋى تۋرالى ەسەپ بەرۋدى تالاپ ەتكەن. پوليسيا جاعدايدى باقىلاۋعا الدى.
