وقو-دا ءتارتىپ ساقشىلارى قارۋ قولدانىپ، بۇزاقىلىق جاساعان 36 جاستاعى كۇدىكتىنى ۇستادى، - دەپ حابارلايدى Qamshy.kz Tengrinews.kz - كە سىلتەمە جاساپ.

2016 جىلدىڭ 19 شىلدەسىندە سارىاعاش اۋداندىق ىىب-نە اۋداندىق اۋرۋحاناسىنا 1985 جىلى تۋعان ەر جىگىت پەن 1986 جىلى تۋعان قىز بالا اتىس قارۋىنان العان جاراقاتپەن تۇسكەنى جايلى حابارلاعان.

پوليسەيلەردىڭ مالىمەتىنشە، جىبەك جولى اۋىلىنداعى كوشەلەردىڭ بىرىندە بەلگىسىز بىرەۋلەر مەملەكەتتىك تىركەۋ نومەرى جوق Audi اۆتوكولىگىمەن 31 جاستاعى ازاماتتىڭ سوڭىنان قۋىپ كەلىپ، وق اتقان. ناتيجەسىندە اتىس قارۋىنان جابىرلەنۋشى جانە ءۇيىنىڭ تەرەزەسىنىڭ الدىندا كەزدەيسوق تۇرعان 30 جاستاعى ازاماتشا قول تۇسىنان دەنە جاراقاتتارىن العان. وسىدان كەيىن بەلگىسىز بىرەۋلەر وقيعا ورنىنان ءىز سۋىتقان.

بۇل دەرەك سارىاعاش ءاىىب-نىڭ سوتقا دەيىنگى تەرگەۋدىڭ ءبىرىڭعاي رەەسترىنە ق ر قك-نىڭ 293-بابى بويىنشا ("بۇزاقىلىق") تىركەلدى. سارىاعاش ءاىىب قىزمەتكەرلەرى جۇرگىزگەن جەدەل-ىزدەستىرۋ شارالارى كەزىندە جامبىل وبلىسىنىڭ 1980 جىلعى تۇرعىنى، وسىعان دەيىن سوتتى بولعان ازامات ۇستالدى. كۇدىكتى قاماۋدا. ايعاق زاتتار تاركىلەندى.

قازىرگى تاڭدا پوليسەيلەر وقيعانىڭ ءمان-جايى مەن سەبەپتەرىن انىقتاۋدا. بۇل قىلمىسقا قاتىسى بار كۇدىكتىلەر ىزدەستىرىلىپ جاتىر. سوتقا دەيىنگى تەرگەۋ امالدارى ءجۇرىپ جاتىر.