الماتى پوليسياسى 16 شىلدەدەن بەرى ىزدەستىرىلىپ جاتقان سافار شاكەيەۆتىڭ تابىلماعانىن، ىزدەۋ جۇمىستارىنا تىكۇشاق تارتىلعانىن مالىمدەدى، - دەپ حابارلايدى Qamshy.kz.

ىزدەۋ توپتارى قالاداعى ەسەنتاي وزەنىنىڭ ارناسىن تەكسەرۋدى جالعاستىرۋدا. ىزدەۋگە قوسىمشا كۇشتەر دە جۇمىلدىرىلۋدا.

«ءقازىر اۋەگە بەيناباقىلاۋ كامەرالارىمەن جابدىقتالعان اۆياسيا تەحنيكاسىن كوتەرۋگە دايىندالىپ جاتىرمىز. تىكۇشاق الماتى وبلىسىنىڭ اۋماعىنىڭ ۇستىنەن ۇشىپ وتەدى. وسىلاي بىزدە ەسەنتاي وزەنىنىڭ توڭىرەگىن تولىق زەرتتەۋگە مۇمكىندىك تۋادى. بۇعان دەيىن ءبىز جوعالعان جىگىتتى پوليسيا اتپەن ىزدەۋگە كىرىسكەنىن حابارلاعانبىز. ءقازىر بەس اتتى پوليسەي تاۋ بوكتەرىن شولىپ ءجۇر. سونىمەن قاتار، سۇڭگۋىرلەر دە ىزدەۋ جۇمىسىنا جۇمىلدىرىلعان»، - دەيدى الماتى قالاسى ءىىد كريمينالدىق پوليسيا باسقارماسىنىڭ باستىعى، ىزدەۋ شارالارىنىڭ جەتەكشىسى پوليسيا پودپولكوۆنيگى جانبولات زيادين.

ەستەرىڭىزگە سالساق، الماتى قالاسىنىڭ 1991 جىلى تۋعان تۇرعىنى س. شاكەيەۆتىڭ جوعالعانى تۋرالى حابار مەدەۋ اۋداندىق ىىب-گە 16 شىلدە كۇنى كەشكى وندار شاماسىندا تۇسكەن بولاتىن.