جامبىل وبلىسىندا 25 جاستاعى ازاماتتىڭ قازاسىنا جاقىندارى ءتارتىپ ساقشىلارىن كىنالۋدا، - دەپ حابارلايدى Qamshy.kz كتك ارناسىنا سىلتەمە جاساپ.

ايتۋلارىنشا، ەرىك ءتورقۇلوۆتى كولىكتەرىنە ءدىن-امان سالىپ اكەتكەن پوليسەيەلەر كەيىن ونىڭ ءولى دەنەسىن اۋرۋحاناعا جەتكىزىپتى. ياعني ەرىكتى قىزىل جاعالىلار ماشينانىڭ ىشىندە جازىم ەتكەندەرىنە سەنىمدى. ال، وبلىستىق ىشكى ىستەر دەپارتامەنتىنىڭ باسشىلىعى قىزمەتكەرلەرىنە شاڭ جۋىتاتىن ەمەس.

ەرىك ءتورقۇلوۆتىڭ ولەرىنەن كۇن بۇرىن عانا ۇيلەنۋ تويى بولعان. ەرتەسىنە جاقىندارىمەن تاۋداعى سۋ قويماسىنا شومىلۋعا بارىپتى. رۇقسات ەتىلمەگەن جەردە جۇرگەندەرى ءۇشىن قاراۋىلمەن سوزگە كەپ قالسا كەرەك. ءبىراق جانجالعا جەتكىزبەي وقيعا ورىنان كەتىپ قالدىق دەيدى مارقۇمنىڭ جاقىندارى. ءبىراز ۋاقىتتان سوڭ بەس ازامات وتىرعان جەرگە ءۇش ءتارتىپ ساقشىسى جەتىپ، اي-شايعا قاراماي ەرىكتى كولىكتەرىنە كۇشتەپ سالىپ اكەتىپتى.

-ماشيناعا  سالدى ۇزىننان، بىرەۋى باسىنا ەكىنشىسى  اياعىنا وتىرىپ الدى. ۇستىنە وتىرىپ الدى. رولدە ءوتىرعان ينسپەكتور الدىنا وتىرىپ كەتىپ قالدى، - دەيدى دوسى ءالي باشايەۆ.

ءالي ەرىكتىڭ دە پوليسەيلەرگە قارسىلىق كورسەتكەنىن مويىنداپ وتىر. ول تارتىپكە باعىنباعاسىن ابدەن ساباپ، بىلگەندەرىن جاسادى دەيدى. 25 جاستاعى ازامات سول ماشيناعا وتىرعاسىن ونى تىرىدەي ەشكىم كورەمەگەن. نەبارى جارتى ساعاتتان سوڭ ءولى دەنەسى اۋرۋحاناعا جەتكىزىلىپتى. 

-دارىگەرلەر جازىپ وتىر عوي. ادامدى اكەلىپ ماشينادان تۇسىرگەن كەزدە ءولىپ قالعان دەپ ءبارى ايتىپ وتىر. كەلگەن كەزدە. ساپ-ساۋ كەتكەن بالا. ول پوليسەيدىڭ قولىن تىستەپ العان مويىننان قىلقىندىرعان كەزدە، - دەيدى اعاسى ەرنۇر تورەقۇلوۆ.

ماشينا ىشىندە نە بولعانىن ەشكىم بىلمەيدى. الايدا، مارقۇمنىڭ جاقىندارى ەرىككە كۇش كورسەتىلگەنىنە، ونى ءتارتىپ ساقشىلارى ابايسىزدا ءولتىرىپ العاندارىنا سەنىمدى. ويتكەنى دەنى ساۋ زىڭگىتتەي ازامتتىڭ، وزدىگىنەن اجال قۇشۋى مۇمكىن ەمەس دەيدى. سوندىقتان  قۋانىش ءتورقۇلوۆ بالاسىن جازىم ەتكەندەردى ەڭ قاتاڭ جازاعا تارتۋدى تالاپ ەتۋدە. 

-ناعىز كىنالىلەر سولار ەكەنىنە ءسوزىم جەتەدى. كەلىنىم قالدى ىشىندە بالاسىمەن. ەندى ول قالاي بولادى، ءبارىمىز ەڭىرەپ ارتىندا قالدىق. قۋانىشىمىز كوپكە سوزىلمادى. جازاعا تاتىلۋىن سۇرايمىن، - دەيدى اكەسى قۋانىش تورەقۇلوۆ.

دارىگەرلەر ەرىك ءتورقۇلوۆتىڭ كلينيكالىق ءولىم جاعدايىندا جەتكىزىلگەنىن ايتۋدا. اقحالاتتىلار ونى دەرەۋ جانساقتاۋ بولىمىنە جاتقىزىپ، اجالمەن ارپالىسقان. الايدا، ارەكەتتەرىنەن تۇك شىقپاپتى. ال، قۇزىرلى ورىن باسشىلىعى ادەتتەگىدەي قول استىنداعى قىزمەتكەرلەرىن كىناسىز دەيدى. ايتۋلارىنشا، ەرىك سۋ قويماسىنىڭ 75 جانە 20 جاستاعى قاراۋىلىمەن توبەلەس كەزىندە جاراقات الۋى مۇمكىن. دەگەنمەن ءتارتىپ ساقشىلارىنا قاتىستى دا ۇستىنەن تەكسەرۋ باستالعان.

ء-ىىد وزىندىك قاۋىپسىزدىك باسقارماسىمەن ءولىم سەبەپتەرى جانە پوليسيا قىزمەتكەرلەرىنىڭ زاڭدىلىعىن انىقتاۋ ءۇشىن سوتقا دەيىنگى تەرگەۋ امالدارى جۇرگىزىلۋدە. كىسى ولىمىنە قاتىستى سوت-مەديسيانلىق ساراپتامالار تاعايىندالدى، - دەيدى جامبىل وبلىستىق ءىىد باسقارماسى مەملەكەتتىك ءتىل جانە اقپارات ءبولىمىنىڭ باس مامانى قۇندىز بوگەنبايەۆا.

پوليسەيلەردىڭ مالىمەتىنشە ەرىك ءتورقۇلوۆ ءتارتىپ ساقشىلارىنا ەداۋىر قارسىلىق كورسەتىپ، ءتىپتى دەنە جاراقاتىن كەلتىرگەن. سول ءۇشىن مارقۇمنىڭ ۇستىنەن بۇزاقىلىق جانە بيلىك وكىلىنە باعىنباۋ دەرەگى بويىنشا ءىس قوزعالعان. ال، بۇل قايعىلى جاعدايدىڭ اق-قاراسى سوت-مەديسينالىق ساراپتاماسى قورىتىندىسىنان سوڭ انىقتاۋلى ءتيىس.