Bookmate جوباسى اياسىندا قازنەت بلوگەرلەرى اراسىندا ەڭ كوپ وقىلعان كىتاپتار انىقتالدى، - دەپ حابارلايدى Qamshy.kz kapital.kz-كە سىلتەمە جاساپ.

ساۋالناماعا الماتى، استانا، شىمكەنت قالالارىنان قاتىسقان 31 بلوگەردىڭ باسىم بولىگى «اباي جولى» ەپوپەياسىن وقىعاندارىن ايتقان.

سونىمەن، بلوگەرلەردىڭ كومەگىمەن انىقتالعان ۇزدىك بەس كىتابى تومەندەگىدەي:

«اباي جولى» رومانى - م. اۋەزوۆ؛

«ماستەر ي مارگاريتا» رومانى - م. بۋلگاكوۆ؛

«1948» رومانى – دجوردج ورۋەلل؛

«قىلمىس پەن جازا» - ف. دوستايەۆسكيي؛

«التىن بۇزاۋ» رومانى – ي. يلف، ە. پەتروۆ؛

بىلتىر ەڭ كوپ وقىلعان ۇزدىك بەس شىعارما قاتارىندا ج. ايماۋىتوۆتىڭ «اقبىلەك» رومانى، ە. م. رەماركتىڭ «ءۇش جولداسى»، ش. مۇرتازانىڭ «قىزىل جەبەسى»، ءا. نۇرشايىقوۆتىڭ «ماحاببات، قىزىق مول جىلدار» رومانى، گ. روبەرتستىڭ «شانتارام» شىعارماسى اتالعان.

ەكى ساۋالنامادا دا مۇحتار اۋەزوۆ، ەريح ماريا رەمارك، بەردىبەك سوقپاقبايەۆ، فەدور دوستويەۆسكيي، شەرحان مۇرتازا ەڭ كوپ وقىلعان اۆتورلار دەپ تانىلعان.

كلاسسيكالىق ادەبيەت ۇلگىلەرىنەن باسقا بلوگەرلەر تاريحي پۋبليسيستيكاعا، بيزنەس تۋرالى، عىلىمي كىتاپتارعا دا كوڭىل بولەتىندەرىن ايتقان.