بۇيرەگىنە قان جەتپەي  ءحال ۇستىندە جاتقان قىزىنا، اناسىنىڭ قارسىلىعىنا قاراماستان قان قۇيىلدى،  - دەپ حابارلايدى Qamshy.kz.

ء-قازىر قىزدىڭ جاعدايى تۇراقتى. ءبىز وعان قان قۇيدىق، ويتكەنى اكەسى رۇقسات بەردى. اناسى قاتتى اشۋلاندى، ءبىراق نە ىستەي الادى. 20 شىلدە وعان وپەراسيا جاسالدى. ءبىراق وپەراسيا بارىسىندا قىزدىڭ ءىش پەردەسىنىڭ مۇمكىندىك بەرمەيتىنى انىقتالدى. ءقازىر ول گەموداليزدە، وعان بۇيرەك ترانسپلانتاسياسى قاجەت، - دەيدى استانا قالالىق بۇيرەك ورتالىعىنىڭ جەتەكشىسى ۆەنەرا التىنوۆا.

ونىڭ ايتۋىنشا، دارىگەرلەر قىز بالا قابىلدايتىن پرەپارات دوزاسىن ۇلعايتۋعا ءماجبۇر بولعان. گەموگلوبين قالىپتى دەڭگەيدە. ءبىراق ول جاعىمسىز ارەكەتكەن اكەلۋى مۇمكىن، سوندىقتان ءقازىر دوزا تومەندەتىلگەن.

ء-قازىر اۋىر انەميا جوق، گەموگلوبين قالىپتى، ءبىراق ازايۋ ءۇردىسى بار. قىزدىڭ جۇرەك جەتكىلىكسىزدىگى – سوزىلمالى جانە اۋىر انەميا. وعان بۇيرەك دونورى قاجەت، ول ءقازىر بولماي تۇر. سوندىقتان ناۋقاس دونوردى اۋرۋحانادا كۇتەدى، ۇيىنە شىعارىلمايدى، - دەيدى ۆەنەرا التىنوۆا. 

ەستەرىڭىزگە سالا كەتەيىك، «يەگوۆا كۋاگەرلەرى» ۇيىمىنىڭ بەلدى مۇشەسى، جالعىزباستى انا الماتىدان بۇيرەگىنە قان جەتپەي  ءحال ۇستىندە جەتكىزىلگەن قىزىنا قان قۇيدىرۋعا قارسىلىق تانىتىپ، استاناداعى انا مەن بالا ورتالىعىندا ۇلكەن جانجال يۋىنداعان بولاتىن.

وسى كەزدە  ونسىز دا ءبىر بۇيرەگى جوق   11 جاسار دايانانىڭ گەموگلوبينى تومەندەپ، ءولىم  مەن ءومىردىڭ ورتاسىندا جاتتى. ايەلدى رايىنان قايتارا الماعان انا مەن بالا ورتالىعىنىڭ باسشىلىعى پوليسيا، پروكۋراتۋرا جانە بالا قۇقىعىن قورعاۋ كوميتەتىنە ارىز بەرگەن.

وقيعا ورىن العان كەزدە قولداۋ كورسەتۋ ءۇشىن  «يەگوۆا كۋاگەرلەرى» ۇيىمىنىڭ مۇشەلەرى ورتالىققا كەلىپ، قان قۇيدىرماۋعا جانتالاسىپ جۇرگەن ەدى.