قازاقستاندا 2015 جىلدىڭ تامىز ايىنان باستاپ، تەڭگەنىڭ ەركىن وزگەرمەلى ايىرباس باعامى رەجىمى ەنگىزىلگەن.  سوعان سايكەس، تەڭگەنىڭ ايىرباس باعامى ءبىرقاتار فاكتورلار، سولاردىڭ ىشىندە مۇناي باعاسى مەن ساۋدالىق ارىپتەس ەلدەردىڭ ۆاليۋتالارىنىڭ باعامىنا سايكەس قۇبىلىپ وتىرادى. بۇل تۋرالى بۇگىن ق ر ۇلتتىق بانكى مونەتارلىق وپەراسيالار جانە اكتيۆتەردى باسقارۋ دەپارتامەنتى ديرەكتورىنىڭ ورىنباسارى ءادىل مۇحامەدجانوۆ مالىمدەدى، - دەپ حابارلايدى Qamshy.kz قازاقپاراتقا سىلتەمە جاساپ.

بۇل رەتتە تەڭگەنىڭ باعامىنا نارىققا قاتىسۋشىلاردىڭ كۇتۋلەرى، بيۋدجەت قاراجاتىنىڭ قوزعالىسى، سالىق تولەۋ كەزەڭدەرى جانە سوڭعى ايلارداعى - دوللارسىزداندىرۋ ءۇردىسى سياقتى ىشكى فاكتورلار دا اسەر ەتەدى.

سونىمەن قاتار، ول اعىمداعى جىلدىڭ شىلدەسىندە مۇناي باعاسىنىڭ تومەندەۋ ءۇردىسىنىڭ بايقالعانىن، وعان مۇناي ونىمدەرى نارىعىنداعى ۇسىنىس كولەمىنىڭ ءوسۋى، اقش-تاعى مۇنايدىڭ جەتكىلىكتى قورى تۋرالى دەرەكتەردىڭ جاريالانۋى، سونداي-اق اقش-تاعى بۇرعىلاۋ ۇڭعىمالارى سانىنىڭ ۇلعايۋى دا سەبەپشى بولعانىن اتاپ ءوتتى.

«سوڭعى كەزدە ءرۋبلدىڭ سەرپىنى مۇناي باعاسىنىڭ وزگەرۋىنە سەزىمتالدىقتىڭ تومەندەگەنىن كورسەتتى. سوعان قاراماستان، ءرۋبلدىڭ اقش دوللارىنا قاتىستى قۇنى مۇناي باعاسىنىڭ قۇلدىراۋى اياسىندا تومەندەدى»، - دەپ تولىقتىردى ءا. مۇحامەدجانوۆ. وسىلايشا، ونىڭ ايتۋىنشا، جوعارىدا كورسەتىلگەن فاكتورلار 2016 جىلعى 26 شىلدەدە قازاقستان قور بيرجاسىندا تەڭگەنىڭ 350.2 دەڭگەيگە دەيىن السىرەۋىنە سەبەپ بولدى.