اقمولا وبلىسىندا تەرروريزم ءىسى بويىنشا ءتورت كۇدىكتى ىزدەستىرىلۋدە، - دە حابارلايدى Qamshy.kz وبلىستىق پروكۋراتۋرانىڭ رەسمي وكىلى تالعات ىسقاقوۆقا سىلتەمە جاساپ.
ىزدەۋدە جۇرگەن ادامداردىڭ وبلىس اۋماعىندا قىلمىستىق ارەكەت جاساعاندارىن جانە ازاماتتاردى وزدەرىنىڭ ارەكەتىنە ارالاستىرۋعا تىرىسقان دەپ ايىپتالۋدا. العاشقى جارتى جىلدىقتىڭ وزىندە قىلمىستىق ىستەردى قارايتىن ورگاندار تەرروريزم جانە ەكسترەميزم دەرەگى بويىنشا 5 سوتقا دەيىنگى تەكسەرۋ جۇمىستارىن باستاعان. تالعات ىسقاقوۆ ءقازىر ول دەرەكتەر بويىنشا تەرگەۋ ءجۇرىپ جاتقانىن مالىمدەدى.
-تەرروريزم اقمولا وبلىسىندا اينالىپ وتپەدى. ايماق اۋماعىندا تەرروريستىك قىلمىس جاسادى دەگەن كۇدىكپەن 4 ادام ىزدەۋدە. تەرروريمزنىڭ ءبىزدىڭ قوعام ءۇشىن باس اۋرۋعا اينالىپ بارا جاتقانىن ەسكەرە وتىرىپ، ولارعا لايىقتى تۇردە قارسى تۇرىپ، جولىن بوگەپ، الدىن الۋعا ءتيىستىمىز، – دەيدى پروكۋرور.
